.webp){kind=icon}
Следниот потег на Европската централна банка (ЕЦБ) ќе биде да ги намали стапките, но дотогаш ќе мора да биде трпелива и да ги следи податоците, а не пазарите или некои конкрети датуми, изјави членот на Советот на гувернери, Франсоа Вилерој де Галхау.
„Доколку нема шокови или изненадувања, завршивме со зголемувањата, но тоа не значи дека намалувањата ќе дојдат наскоро“, рече банкарот во интервју за радиото „Екорама“ во петокот. „Ние не го следиме календарот, туку податоците“, додаде тој.
Ставот на францускиот функционер, кој претходно повика на „доверба и трпение“, се совпаѓа со пораките на претседателката на ЕЦБ, Кристин Лагард. Откако централните банкари одлучија да не ги менуваат каматните стапки на последниот состанок годинава, таа предупреди дека нема простор за опуштање поради неодамнешното забавување на инфлацијата. Таа, исто така, сугерираше дека облозите за пролетни намалувања на стапките се премногу оптимистички.
Прочитај повеќе
ББА-коментар по одлуката на ЕЦБ: Ќе се намалува побарувачката на кредити
Се очекува дополнително заострување на условите за кредитирање и пад на побарувачката за кредити
14.12.2023
ЕЦБ не ги промени каматите втор состанок по ред
Европската централна банка ги задржа каматните стапки во мирување, во услови на пад на инфлацијата.
14.12.2023
Пресвртот на монетарната политика во 2024 година е неминовен, прашање е само кога?
Опасностите ќе се зголемуваат доколку трошоците за задолжување останат подолго на сегашните нивоа.
13.12.2023
На сличен начин размислува и Мадис Мулер од Естонија, кој ги нарече пазарите „премногу оптимистички“.
„Дезинфлацијата оди малку побрзо отколку што очекувавме, најмногу поради тоа што преносот на монетарната политика беше поуспешен од очекуваното“, рече Вилерој. „Со други зборови, монетарната политика дава резултати“.
Франсоа Вилерој де Галхау
Bloomberg
Гувернерот на Банката на Франција рече дека последната фаза на патот кон посакуваното ниво на инфлација, можеби нема да биде потежок од патот што досега го поминала ЕЦБ. „Дезинфлацијата во еврозоната е општа и ги вклучува цените од базичната инфлација“, вели банкарот.
Тој додаде дека отстранувањето на термините за прекумерна инфлација од официјалните соопштенија е важна промена. „Во планинарењето се оди нагоре и надолу, но има и висорамнини“, рече Вилерој. „Денес сме токму на таква висорамнина и треба да си дадеме време да уживаме во глетката, да уживаме во ефектите на монетарната политика“, заклучува централниот банкар.
