Охрабрувачки вести доаѓаат од земјите на Европската унија: Франција, Шпанија, Италија и Австрија известуваат за економски раст во вториот квартал од годинава, додека економијата на Германија стагнира.
Целата евро-економија пораснала за 0,7 отсто во вториот квартал, а економијата на Европската унија за 0,6 отсто, покажуваат податоците на „Евростат“. Ова е за половина процент повеќе од очекувањата на аналитичарите.
Годишната инфлација во еврозоната во јули се проценува на 8,9 отсто, што е нов рекорд.
Прочитај повеќе
Рекордна инфлација во еврозоната од 8,9 отсто
Потрошувачките цени скокнаа за 8,9 отсто од претходната година во јули (од 8,6 отсто минатиот месец).
29.07.2022
„Засега, моментумот создаден од повторното отворање на Европа и значајната фискална поддршка ја надминува заканата од енергетска криза. Јулската инфлација ги надмина очекувањата, а целосното влијание на Русија, која го ограничува снабдувањето со гас во Европа, допрва треба вистински да се почувствува. Додавајќи ги заострените финансиски услови, наглото забавување се чини неизбежно“, рече Џејми Раш, главен економист на Bloomberg за Европа.
Кој растеше, кој се намали?
Bloomberg ообјави дека економијата во Франција пораснала за 0,5 отсто во вториот квартал. Годишната инфлација достигна нов рекорд во јули од 6,5 отсто. Економијата на Италија порасна за еден процент, поттикната главно од домашната потрошувачка.
Во Шпанија економијата порасна за 1,1 отсто, а во јули е забележана нова рекордна годишна стапка на инфлација од 10,8 отсто. Квартален раст на БДП е забележан и во Австрија (+0,5 отсто), каде јулската инфлација на годишно ниво исто така достигна нов рекорд и изнесува 9,2 отсто. Сите земји пораснаа повеќе отколку што очекуваа аналитичарите.
Економски раст не е забележан во Германија, чија економија стагнираше во вториот квартал од оваа година, покажуваат податоците на германскиот завод за статистика. Домашната приватна и јавна потрошувачка беше силна, но трговијата опадна. Невработеноста во Германија порасна на 5,4 отсто. 48.000 нови невработени се резултат и од доаѓањето на бегалците од Украина. Германската економија има најнеизвесна иднина, бидејќи е најмногу зависна од руските енергетски извори, особено од гасот.
Bloomberg Mercury
Засега е познато дека БДП-то на Литванија се намали за 0,4 отсто, a на Португалија за 0,2 отсто. Литванија бележи и апсурдно висока инфлација која во јуни изнесуваше 21 процент. Годишната инфлација во Холандија во јули порасна на 11,6 отсто, наспроти 9,9 отсто во јуни.
Доколку податоците од другите земји-членки се слични, тоа значи дека, технички гледано, Европа нема да биде во рецесија барем до почетокот на следната година.
И покрај охрабрувачките квартални резултати, економската иднина на Европа е крајно неизвесна. Додека летната туристичка сезона ги поттикнува економиите на јужните земји, проекциите за иднината се влошуваат бидејќи енергетските закани на Кремљ, продолженaта презаситеност на понудата и рекордната инфлација ја намалуваат побарувачката и производството.
.webp){kind=icon}
