Укор за Франција и Италија поради високите буџетски дефицити

Европската Унија ги укори Франција и Италија поради нивните големи буџетски дефицити, што е прва фаза во конфронтацијата што ќе ја тестира решителноста на блокот и која теоретски може да доведе до казни од милијарди евра.

Најавата на Европската комисија доаѓа во време пред парламентарните избори во Франција, кои ги потресоа инвеститорите со изгледите дека победникот што би дошол или од екстремната десница или од левицата само дополнително ќе ги надуе јавните финансии на земјата.

Севкупно, седум нации од неодамна се соочуваат со предизвици поради буџетски дефицити што надминаа три отсто, со што станаа предмет на таканаречена постапка за прекумерен дефицит на Унијата, која бара корективни мерки и може да доведе до парични казни за непочитувањето. 

Bloomberg Mercury

„Предизвиците за фискална одржливост се ниски во сите земји членки на ЕУ на краток рок, додека се зголемени на среден и долг рок во неколку земји, поради проектираните високи и/или зголемени коефициенти на долгот, соопштија од Комисијата.

Од наведените земји, Франција и Италија привлекуваат најголемо внимание поради нивната големина како втора и трета по големина економија во еврозоната, соодветно, секоја со долгови значително поголеми од 100 отсто од бруто-домашниот производ. Романија веќе се соочуваше со опомена, а другите нации што сега ѝ се придружуваат се Белгија, Унгарија, Малта, Полска и Словачка.

Во Франција овој потег ги зголемува влоговите за кој и да победи на предвремените избори што ги распиша претседателот Емануел Макрон, а кои ќе се одржат во следните три недели. Неговата партија моментално е на третото место, додека екстремно десничарскиот Национален собир и левичарската алијанса, кои се борат за функцијата, сигнализираа поагресивен став кон Брисел.

Bloomberg Mercury

Сеопфатен спор би имал вознемирувачки паралели со должничката криза во еврозоната, кога интегритетот на валутата беше загрозен бидејќи инвеститорите беа во паника поради судирите меѓу институциите на ЕУ и силно задолжените европски влади, како Грција.

Изборната најава на Макрон веќе инспирираше одекнувања на тие превирања, при што како резултат на тоа се зголеми разликата меѓу француските и германските обврзници, а ефектите на овие бранови се видливи и кај Италија и другите нации во регионот.

Bloomberg Mercury

Премијата на приносот на која инсистираат инвеститорите за задржување на десетгодишниот француски долг над германските обврзници остана за два базични поена повисока, на 79 базични поени, најмногу од 2017 година, по објавувањето на извештајот.

Распонот се искачи за 32 базични поена откако Макрон повика на предвремени избори, што ги доведе пазарите во извесна вртоглавица. Некои инвеститори велат дека јазот на крајот би можел да достигне 100 базични поени, ниво што последен пат е забележано кога кризата на суверениот долг во еврозоната беше во полн замав.