Нови ветрови: Паѓаат очекувањата на германските компании, првпат во пет месеци

Деловните изгледи на Германија се влошија за првпат во последните пет месеци, што е знак дека постепеното закрепнување во најголемата европска економија се соочува со спротивставени ветрови.

Индексот на очекувањата на институтот „Ифо“ (Ifo) падна на 89 во јуни од 90,3 во претходните месеци - спротивставувајќи се на предвидувањата на аналитичарите за подобрување. Мерката за тековните услови остана стабилна.

Bloomberg Mercury

„Тоа е назадување“, рече претседателот на институтот, Клеменс Фуест, во понеделникот за радиото „Блумберг“. „Видовме некои подобрувања во последните месеци, но сега се чини дека тоа престана. Негативните податоци што ги гледаме доаѓаат особено од производството“.

Bloomberg Mercury

Читањето на очекувањата го нагласува предизвикот за надминување на економската слабост во последните години, при што потрошувачите остануваат колебливи и покрај зголемените приходи и забавувањето на инфлацијата. Производството се зголеми за 0,2 отсто во првиот квартал, делумно помогнато од благото време. Бундесбанк минатата недела соопшти дека растот ќе продолжи во трите месеци до јуни.

Во големиот производствен сектор во земјата, фирмите „сега кажуваат дека проблем се заостанатите нарачки“, рече Фуест. Тој исто така укажа на „лошите податоци од малопродажбата“, што сигнализира дека очекуваното враќање на потрошувачката поради зголемените плати „едноставно не се случува“.

Што вели „Блумберг економикс“...

„Падот на јунските читања на индексот за деловна клима на ’Ифо’ и ПМИ ( од англиски PMI - purchasing managers index) сугерира дека закрепнувањето на германската економија може да биде побурно отколку што изгледаше пред неколку недели. Тоа главно се должи на помрачните изгледи за индустрискиот сектор, додека активноста во услужниот сектор веројатно ќе добие поголем импулс“.

- Мартин Адемер, економист:

Светли точки се видливи во услугите, каде што изгледите за втората половина од годината продолжија да се осветлуваат. Чувството се подобри особено во хотелскиот сектор.

Имаше и други индикации дека закрепнувањето нема да биде силно. Бизнис-анкетите на „Ес енд Пи глобал“ минатата недела покажаа омекнување на замавот поради послабото индустриско производство. Очекувањата на инвеститорите исто така се подобрија помалку отколку што очекуваа економистите.

Придушената странска побарувачка и високите трошоци за задолжување се главна пречка за германскиот производствен сектор, кој заостанува зад услугите во последниве месеци. Заканата од поголеми трговски тензии со Кина е дополнителна загриженост.

„Автомобилските компании се загрижени за изгледите за тарифната војна со Кина, но тоа е и домашен проблем“, според Фуест. „Гледаме неподготвеност на компаниите во Германија да инвестираат дома, а индустријата на инвестициски стоки страда од тоа и забележува опаѓање на нарачките“.

Иако монетарното олеснување од страна на Европската централна банка треба да помогне да се смени тој развој, официјалните лица јасно ставија до знаење дека ќе бидат претпазливи во намалувањето на трошоците за задолжување. Инвеститорите очекуваат само меѓу едно и две дополнителни намалувања годинава.

Во моментов нема коментари за веста. Биди прв да коментира...

Остави коментар