Русија планира да се откаже од својот мнозински удел во Евроазиската банка за развој, формирана од шест поранешни советски држави за промовирање на економската интеграција, за да го намали ризикот дека финансискат институција која е главен заемодавач во овој регион ќе биде цел на санкции, тврдат доброупатени извори кои го виделе планот.
Русија, која има 65,97 отсто во оваа финансиска институција, сака да го намали заедничкиот удел со Белорусија на помалку од половина од развојната институција, велат изворите, кои побарале да бидат анонимни бидејќи плановите не се официјални. Многу субјекти поддржани од државата во двете земји беа погодени од санкциите од САД и Европската унија, иако засега Евроазиската банка за развој не беше цел.
Прес-службата на Евроазиската банка за развој одби да коментира. Казахстанските и руските министерства за финансии не одговорија веднаш на барањата за коментар.
Русија и Белорусија беа погодени со огромни ограничувања за финансирање, увоз и размена на технологија по инвазијата на претседателот Владимир Путин на Украина. Годините на санкции за заштита на економијата и создавање резерви не успеаја да ја заштитат Русија од првичниот шок, а властите сега се обидуваат дополнително да ги зајакнат институциите на земјата од дополнителни казнени мерки.
Казахстан, кој е дел од царинската унија со Русија, може да заврши како контролен акционер на банката доколку дојде до договор, изјавиле изворите. Во моментов, Казахстан има 32,99 отсто од акциите во Евроазиската банка за развој, Белорусија поседува околу 1 отсто, а Таџикистан, Ерменија и Киргистан го поседуваат остатокот. Институцијата има уплатен капитал од 1,5 милијарди долари.
Евроазиската банка за развој понуди на 8 август да откупи обврзници во вредност од 300 милиони долари доспеани во септември, од вкупно 436 милиони долари заостанати. Институцијата откупила над 50 милиони долари од долгот на почетокот на мај, објави S&P Global Ratings.
.webp){kind=icon}
Во моментов нема коментари за веста. Биди прв да коментира...