Турската централна банка и покрај највисоката инфлацијат во последните 24 години, одлучи да ја намали каматната стапка, по што локалната валута остро падна.
Комитетот за монетарна политика денеска ја намали рефернтната камата на 13 отсто откако претходно од декември беше на нивото од 14 отсто, Сите економиити од анектата на Блумберг (вкупно 21) претходно рекоа дека каматата ќе остане иста. По ова лирата падна за еден отсто во однос на доларот.
Според комитетот, одлуката е одговор на забавувањето во производството и не скршнува од циклусот на монетарно олеснување. „Новото ниво на каматата е адекватно на сегашните изгледи“, стои во изјавата.
„Важно е дека финансиските услови даваат поддршка за да се зачува растот на индустриското производство и делуваат позитивно на вработеноста во перид кога се зголемува несигурностите во поглед на глобалниот раст како и ескалирачките геополитички ризици“, стои во соопштението.
Што велат економистите на Блумберг...
„Нема економски мотив во ваквата одлука. Централната банка одлучи да го следи политичкото водство со тоа што ги намалува трошоците за задолжување за да се фокусира на растот“, вели Селва Бахар Базики, економист.
Минатиот месец бизнис условите на турските производители се влошија најмногу по мај 2020 година. Заканата за рецесија во Европа, главната дестинација за турскиот извоз е голема грижа на индустријата затоа што таму завршува 95 осто од турскиот извоз.
Во последните три недели бруто девизните резреви на земјата се зголемени за 15 милијарди долари – заради трансфери од Русија, и ова најверојатно и ја увери централната банка дека може да го намали притисокот, посебно сега кога се очекува инфлацијата да забави.
Банката предвидува дека инфлацијата ќе стигне до 85 отсто, а годината на ќе заврши со 60 отсто инфлација или 12 пати над целта.
Намерата на Ердоган е да го поттикнува растот фокусирајќи се на извозот и вработеноста како дел од „новиот економски модел“. Но ризикот заради кризата со трошоците на живот е закана за неговата популарност.
Ердоган верува дека со пониски трошоци на задолжување може да се бори со високата инфлација. Тој го назначи Кавичоглу за гувернер на централната банка минатата година во обид да воспостави власт и во монетарната политика.
„Намалување на каматите во услови кога цел свет ги покачува за да се бори со инфлацијата е лудо“, вели Хенрик Гулберг, стратег во Коекс Партнерс во Лондон. „Ќе мора да продолжат да интервенираат на пазарот, дали директно, дали преку институциите, за да ја стабилизираат лирата. Повеќето учесници на пазарот најверојатно ќе продолжат да го очекуваат неочекуваното пред изборите следната година“, вели тој.
Турската лира е една од петте најлоши валути во светот.
.webp){kind=icon}
