Германските фабрички нарачки во март пораснаа повеќе од предвиденото, сигнализирајќи подобрување во пресрет на најавите за американските царини, кои ги замаглија перспективите за најголемата европска економија.
Побарувачката се зголеми за 3,6 проценти во однос на февруари, надминувајќи ја средната проценка од 1,3 отсто во анкетата на „Блумберг“. Ако се изземат големите нарачки, показателот се зголеми за 3,2 отсто, соопшти денеска германската статистичка канцеларија.
Порастот е широкораспространет, а свој удел имаа електричната и транспортната опрема, машините, автомобилската индустрија и фармацевтската индустрија.
Прочитај повеќе
По шокантниот пораз, Мерц избран за канцелар на Германија
Ова е првпат по Втората светска војна нов канцелар да не добие парламентарна поддршка во првиот круг од гласањето, што создаде хаос во владините кругови во Берлин.
06.05.2025
Третина од германските компании планираат намалување на бројот на работници годинава
Промените на расположението на Доналд Трамп се вистински тест за германската економија
20.04.2025
Мерц: Со тарифите Доналд Трамп ризикува финансиска криза
Европската унија им предложи на САД реципрочни царини „нула за нула“ за индустриски стоки.
13.04.2025
Германското индустриско производство паѓа повеќе од очекуваното
Германското индустриско производство паднало повеќе од очекуваното во февруари во однос на јануари.
07.04.2025
Bloomberg Mercury
Ваквите податоци се дополнителен доказ дека индустриската состојба во Германија почна да се стабилизира по долгиот период на слабост предизвикан од целосната инвазија на Русија врз Украина во 2022 година. Бизнис-анкетите од „Ес енд Пи глобал“ (S&P Global) исто така покажаа дека секторот во април веќе постепено излегува од пад, а помогнат од извозните нарачки.
Но перспективите остануваат многу неизвесни откако американскиот претседател Доналд Трамп воведе царини за поголемиот дел од светот, вклучувајќи ја и Европската Унија (ЕУ). Блокот се соочува со царини од 10 проценти за повеќето стоки за време на 90-дневниот преговарачки период и не е јасно што ќе се случи потоа.
Економистите се прашуваат дали посолидните перформанси на неодамнешните индикатори се само знак дека компаниите се обидуваат да ги надминат тие давачки. Аналитичарите на „Голдман Сакс“ (Goldman Sachs) минатата недела изјавија дека таквото претходно надоместување можеби го зголемило извозот од еврозоната во САД до 15 проценти во периодот помеѓу јануари и април, што значи дека може да се очекува уште еден пад кога ситуацијата ќе се промени.
„Немојте премногу да го толкувате и да се задржувате на зголемувањето од месецов“, рече Михаел Херцум, раководител за макроекономија и стратегии во „Унион инвестмент“ (Union Investment). „За жал, закрепнувањето досега не е ништо повеќе од блесок. Непредвидливата економска политика на САД ќе продолжи да биде товар и ќе стои на патот на динамичниот раст во 2025 година“.
Новата германска влада предводена од канцеларот Фридрих Мерц планира да го надмине долгиот период на стагнација преку реформи и големи трошоци за одбрана и инфраструктура. Предизвикувачката политичка заднина беше уште понагласена неделава, кога политичарот од централнодесничарската партија обезбеди парламентарна поддршка дури во вториот обид.
.webp){kind=icon}
Во моментов нема коментари за веста. Биди прв да коментира...