Нарачките за германските фабрики паднаа шести месец по ред бидејќи инфлацијата и неизвесноста околу снабдувањето со енергија ја поткопуваат најголемата европска економија.
Побарувачката во јули е намалена за 1,1 отсто во однос на јуни, поттикната од падот на производите за широка потрошувачка, особено на фармацевтските производи. Ова е повеќе отколку што предвидуваа економистите - пад од 0,7 отсто.
Побарувачката во јули падна за 1,1 отсто, што е повеќе од очекуваното / Bloomberg
Германија се бори да избегне зимска енергетска криза откако Русија го прекина снабдувањето со природен гас. Дури и да успее, економијата сè уште се бори со зголемените трошоци кои тежат на индустриското производство и го попречуваат закрепнувањето на услужниот сектор.
„Бизнисите и натаму имаат потешкотии да ги исполнат своите нарачки бидејќи синџирите на снабдување се нарушени поради војната во Украина, а сè уште посотојат и дисторзии предизвикани од кризата со Ковид-19“, се вели во денешното соопштение на одделот за статистика.
Владата на канцеларот Олаф Шолц најави 65 милијарди евра нови мерки за да им помогне на домаќинствата и бизнисите да се справат со притисокот, иако економистите велат дека тоа нема да биде доволно за да се спречи рецесија.
Мерачот за активност на S&P Global минатата недела покажа дека фабриките забавуваат во големи делови од еврозоната, бидејќи куповната моќ на потрошувачите се влошува.
.webp){kind=icon}
