Мажите во Македонија се уште многу малку ја користат законската можност за платено породилно отсуство. Минатата година надомест за породилно отсуство од работа користеле 57 татковци, што е незначителна бројка ако се земе предвид дека имало вкупно 9.845 породилни отсуства.
Всушност во изминативе пет години вкупно 290 мажи користеле породилно отсуство или во просек по околу педесетина мажи годишно. Иако, во овој период има благо зголемување на просекот во однос на почетокот од воведувањето на оваа законска можност пред десетина години кога 10-20 мажи годишно користеа породилно отсуство, Македонија заостанува во однос на светските трендови.
Од друга страна, лани има зголемување од 36 проценти има кај мајките кои се вратиле на работното место порано од предвидените 9 месеци породилно боледување, односно кои го искористиле правото покрај платата да добиваат половина од утврдениот надоместок за породилно отсуство. Сепак, статистиката покажува дека се уште најголем број од жените остануваат дома откако ќе се порордат
Големи промени во САД
Во САД се зголемува бројот на мажи кои остануваат дома за да се грижат за децата наместо мајките. Официјалните статистички податоци ги земаат предвид мажите во бракови од различен пол со деца под 15 години кои конкретно велат дека не работат за да можат да се грижат за семејството и чии сопруги или работат или бараат работа. Според тие параметри, мажите во САД годинава сочинуваат 5 проценти од една петтина од американските семејства со родител кој останува дома, што значи дека 239.000 татковци се грижеле за децата. Се бележи тренд на зголемување во однос на средината на 90-тите кога оваа бројка изнесувала еден процент.
Според една поширока анализа на Истражувачкиот центар Пју, кој го проширува истражувањето со вклучување на секој татко на дете под 18 години кој не работел, без оглед на причината или брачниот статус, а исто така вклучува мажи во истополови врски - бројот татковците кои остануваат дома се зголемил на околу 2,1 милиони до 2021 година, што е еднакво на 18 проценти од сите родители кои остануваат дома и е зголемување во однос на 1989 година (10 проценти).
Во студијата, 23 проценти од испитаниците рекле дека причината поради која ја напуштиле работната сила е да се грижат за децата, наспроти губењето на работа (13 проценти), инвалидитет (34 проценти) или одењето на училиште или пензионирањето (20 проценти).
Со помош на Џордан Јаду
.webp){kind=icon}
Во моментов нема коментари за веста. Биди прв да коментира...