.webp){kind=icon}
Трошоците на животот во јануари 2023 година се зголемиле за 17,1 проценти во однос на истиот месец, минатата година, цените на мало бележат зголемување од 13,3 проценти, соопшти Државниот завод за статистика. Оттаму информираат дека во јануари, годинава во однос на претходниот месец, трошоците на животот се зголемиле за 0,1 процент, а а цените на мало се намалиле за 0,4 проценти. Всушност, листата на производи и услуги кај кои има поскапувања и кои придонесуваат за зголемување на трошоците на животот е многу поголема отколку листата на производи и услуги со намалени цени.
Според податоците на ДЗС во јануари има зголемување на цените кај повеќе основни прехранбени производи во однос на декември, минатата година. Имено, пораст на трошоците на животот е забележан кај кафето, чајот, какаото за 1,9 проценти, рибата и морските плодови за 1,6 проценти, свежото и разладеното овошје за 1,2 проценти, жестоките пијалаци за 1,1 проценти, месото за 0,6 проценти, лебот и житата, прехранбените производи, неспоменати на друго место за 0,5 проценти и шеќерот, џемот, медот, чоколадата и кондиторските производи за 0,2 проценти.
Во јануари, исто така, пораст на индексите на трошоците на животот е забележан и кај собирањето смет за 4,6 проценти, весници, книги и канцелариски материјал за 4,3 проценти, електричната енергија за 3,7 проценти, другите услуги, неспоменати на друго место за 3,2 проценти, големите електрични апарати за домаќинствата, поправката на апаратите за домаќинствата, малите алатки и останатите додатоци за 2,3 проценти и кај многу други производи и услуги.
Прочитај повеќе
Инфлацијата ќе си оди, ама бавно како возот до Битола
Неколку показатели сигнализираат дека ќе има забавување на инфлацијата.
14.02.2023
Инфлацијата во еврозоната ќе остане над целта на ЕЦБ до 2025-та
Основната инфлација ќе достигне 5,2 отсто во првиот квартал годинава.
13.02.2023
Намалување на индексите на трошоците на животот во јануари 2023 година, во споредба со претходниот месец, е забележано кај свежиот и разладениот зеленчук, освен компирите и другите коренести плодови за 10,3 проценти, маслото и маснотиите за 3,2 проценти и виното за 0,5 проценти. Исто така, намалување на индексите на трошоците на животот е забележано и кај воздухопловниот патнички транспорт за 23,4 проценти, снабдувањето со вода за 4,4 проценти, медиумите за снимање за 3 проценти, обувките за 2,6 проценти и кај уште неколку други производи.
