Намалената потрошувачка и послабиот извозен потенцијал ќе бидат причина за дополнително забавување на македонската економија, смета аналитичарот на „Блумберг Адрија“, Иван Одрчиќ.
На ова, според него, укажуваат податоците што вчера ги објави државната статистика, според кои БДП во последниот квартал од годината забележа годишен раст од само 0,6 отсто.
„На забавувањето на годишната стапка на раст на БДП во последното тримесечје од 2022 година влијаеја сите компоненти, притоа личната потрошувачка, вклучувајќи ги и непрофитните установи што им служат на домаќинствата, забележа забавување на три отсто, од 5,4 отсто во третиот квартал од 2022 година. На тоа делумно укажуваа и податоците за реалниот промет во малопродажбата за четвртиот квартал, каде што е забележан пад од еден отсто, со што се продлабочи годишното намалување во однос на третиот квартал“, вели Одрчиќ.
Прочитај повеќе
Мојсоска: Ова ќе биде тешка економска година
Според универзитетската професорка Никица Мојсоска, оваа ќе биде тешка економска година.
02.03.2023
На крајот од годината економијата дополнително забавила, скромен раст на БДП лани
На годишно ниво растот на економијата изнесува 2,1 отсто и е најнизок во регионот Адрија.
02.03.2023
Македонски БДП: Недостижни прогнозите, уште помалку земјите од регионот
Економијата во четвртиот квартал лани дополнително забавила.
02.03.2023
Блумберг Адрија ТВ
Тој додава дека забавил и вкупниот извоз на 10,2 отсто од претходните 17,8, што е повеќе одраз на извозот на услуги, со оглед на тоа дека стоковната размена забележа речиси идентична стапка на годишен раст во четвртиот квартал (+19,3 отсто) во однос на третиот (+19,9).
„Од друга страна, државната потрошувачка го намали годишниот пад на -2,8 отсто, додека инвестициите забележаа пад од 5,3 отсто на годишно ниво, што е во согласност со неповолниот тренд на раст на трошоците за финансирање“, вели Одрчиќ.
Според првичните податоци на статистичарите, во цела 2022 година македонскиот БДП забележа раст од 2,1 отсто, што е забавување во споредба со 3,9 отсто од претходната 2021 година. Ова истовремено е најслаб резултат на македонската економија во последните години, со исклучок на 2020 година поради пандемијата.
„За 2023 година очекуваме натамошно забавување на реалната стапка на раст на БДП, првенствено под влијание на неповолноста на земјите што се главни трговски партнери на Македонија“, оценува Одрчиќ.
.webp){kind=icon}
Во моментов нема коментари за веста. Биди прв да коментира...