.webp){kind=icon}
Министерството за економија подготвува предлог на закон за изменување и дополнување на Законот за едношалтерскиот систем и за водење на трговскиот регистар и регистар на други правни лица.
Како главна причина за измените се наведуваат непостоењето системски приод во обезбедувањето податоци за женската економска активност, нивна обработка и публикација од страна на надлежните институции (Централниот регистар и Државниот завод за статистика), како и неусогласеноста со Законот за заштита на личните податоци.
Во најавата за законските измени на Единствениот национален електронски регистар на прописи (ЕНЕР) се вели дека главна цел на измените е воведување родово разделена статистика на деловните субјекти, врз основа на која од страна на надлежните институции ќе бидат прикажани и објавени потребните податоци за економската активност на припадничките на женскиот пол, а за да можат да се креираат ефективни мерки.
Дополнително се најавува зајакнување на заштитата на личните податоци преку утврдување на надлежноста на Централниот регистар.
