Mакедонија станува атрактивна дестинација за странски инвестиции, особено во областа на дигитализацијата и обновливите извори на енергија, објави американскиот Стејт департмент, пренесе „Блумберг“.
Според извештајот за инвестициската клима за 2023 година, стратегиската локација на земјата и подготвеноста за соработка со странските инвеститори отвораат убави можности. Сепак, справувањето со корупцијата и создавањето предвидлива регулаторна рамка ќе бидат важни за овие предности да можат целосно да се искористат.
Амбасадата на САД во Скопје ги идентификува дигитализацијата и обновливите извори на енергија како најатрактивни за американските инвеститори, особено поради заложбата на Владата за развој на овие две индустрии.
Една од клучните предности на Македонија е стратегиската позиција на крстосницата на паневропските транспортни коридори 8 и 10. Оваа позиционираност обезбедува можности за инвеститорите за преселување на бизнисите или за отворање фабрики блиску до потрошувачките центри во Европа.
Тоа станува особено важно по прекините во синџирите за снабдување предизвикани од ковид-19 и од руската инвазија врз Украина.
Вашата претплата не може да се зачува. Ве молиме обидете се повторно.
Вашата претплата е успешна.
„Македонија, како земја кандидатка за Европската Унија и членка на НАТО од март 2020 година, ја покажа својата отвореност за американски инвестиции. Земјата се соочи со предизвици во текот на 2022 година поради високите цени на енергијата, инфлацијата и прекините во снабдувањето. Овие фактори го попречија растот на БДП во земјата“, се наведува во извештајот.
Во целост, инвестициската клима во Македонија е атрактивна и законската регулатива е во согласност со меѓународните стандарди. Но најголем предизвик со кој се соочуваат инвеститорите е корупцијата.
„Додека големите странски компании што оперираат во технолошките индустриски зони (ТИРЗ) објавуваат позитивни инвестициски искуства и имаат добри односи со Владата, регулаторната рамка останува комплексна и е предмет на чести промени“, наведува Стејт департментот.
Ваквата непостојаност во толкувањето на правилата и законите создава непредвидливост, која води до корупција, се наведува во извештајот.
„Транспаренси интернешенел“ во рангирањето за 2022 година земјата ја позиционира на 85-то место од 180 земји според индексот за перцепција на корупцијата, што отвора простор за подобрување во борбата со корупцијата.
Нацрт-предлогот на договорот ќе му даде на Вашингтон контрола врз сите големи идни инвестиции во инфраструктурата и минералите во земјата разурната од војна
„Има многу аларми и голем број симптоми што укажуваат дека не е далеку сериозна криза за руската економија“, вели Денис Манцевич, експерт за руската економија.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
