.webp){kind=icon}
Со забревтано темпо расте јавниот долг на Македонија во изминативе дваесет години, а со намалувањето на бројот на населението значителен раст има во однос на задолженоста по жител. Во 2002 година јавниот долг бил околу 1,8 милијарди евра, а годинава достигна речиси 7,2 милијарди евра.
Меѓу двата пописи 2002-2021 бројот на населението се намали од 2.022.547 на 1.836.713 лица, што значи за две децении Македонија изгубила 185.834 резиденти. Во овој период задолженоста по жител се зголемила од 904 на 3.904 евра или за околу 4,3 пати.
Ако до пред некоја година, надлежните свесно се задолжуваа и го билдаа јавниот долг за реализација на различни проекти, во изминативе две години земјава принудно се задолжуваше главно за да ги ублажи ефектите од пандемијата на Ковид-19 и енергетската криза. Тоа е нотирано и во новата страгија за управување со јавниот долг 2023-2027.
Прочитај повеќе
Каматите се главен ризик за долгот: Имаме ли кризно сценарио?
Владата неодамна го зголеми буџетскиот дефицит за 2022 од 33,5 на 42,7 милијарди денари (694 милиони евра).
19.07.2022
Македонија ќе плаќа ‚најсолени‘ камати за нови задолжувања
Огромните инфлаторни притисоци и војната во Украина поттикнаа аверзија кон ризици, што предизвика раст на каматите за нови задолжувања насекаде во светот.
18.07.2022
Банките ги зголемуваат каматите на депозитите
Неколку банки почнувајќи од 01 јули понудија штедење по повисоки камати од досега
04.07.2022
„Наспроти растечкиот тренд којшто беше евидентиран во периодот од 2008 до 2016 година, јавниот долг во периодот по 2016 до крајот на 2019 година се стабилизираше. На почетокот на 2020 година, ескалирањето на здравствената пандемија на вирусот ковид-19 резултираше со намалена економска актвност во глобални рамки, а соодветно на тоа ефектите се почувствуваа и во македонската економија. Освен ефектите од пандемијата кои сѐ уште се присутни во македонската економија, исто така појавата на енергетската криза во почетокот на 2022 година придонесе за порастот на буџетскиот дефицит и, соодветно на тоа, врз порастот на јавниот долг“, пишува во стратегијата.
Инаку, државниот долг на крајот од првиот квартал од 2022 година изнесуваше 6.113.000.000 евра, односно 48,7 проценти од проектираниот БДП. Вкупниот јавен долг, којшто го вклучува државниот долг и долгот на јавните претпријатија основани од државата или од општините, општините во градот Скопје и градот Скопје, на крајот од првото тримесечје од 2022 е на ниво од 7.170.700.000 евра, што претставува 57,1 проценти од проектираниот БДП.
