Растат каматите на депозитите во земјава. Новите производи кои банките ги пласираат на пазарот се со повисоки камати од досега. Стопанска банка Скопје, Халкбанка и Шпаркасе се првите кои излегоа со повисоки камати за штедните влогови.
Стопанска банка АД Скопје од 01 јули ги зголеми каматите за денарските и девизните депозити за физички лица. Фиксната камта за депозитите со рок на орочување до 36 месеци се зголемува до 0,2 процентни поени.
Од почетокот на овој месец, повисоки камати за заштедите понуди и Шпаркасе банката. Таа ги зголеми каматните стапки на традиционалните денарски депозити на физички лица на 12, 24 и 36 месеци, па така сега фиксната каматна стапка на денарските депозити со рок на орочување на 36 месеци изнесува 1,35%.
Прочитај повеќе
Растат каматите на кредитите
Трендот на раст на каматите на новите кредити кој почна во април, продолжи и во мај
30.06.2022
Народна банка повторно ја зголеми основната камата
Очекуваме овие мерки, во услови на стабилност на девизниот курс на денарот, да поттикнат промени во каматната политика на банките, велат од Народната банка
15.06.2022
ЕЦБ во завршна фаза пред подигањето на каматите
ЕЦБ се обиде да ги подготви пазарите за овој момент и јуни објави детали за планираните зголемувања
03.07.2022
Летово и Халкбанка излегува со нов производ. За минимален влог од 30.000 денари орочени на период од 13 месеци, каматната стапка ќе изнесува два отсто.
НБРМ стимулира денаризација
Потегот на банките се поклопува со последната одлука на Советот на НБРМ. Имено, во петокот Централната банка заради стимулирање на штедењето во домашна валута ја намали задолжителната резерва за денарските обврски од 6,5% на 5%, а истовремено ја зголеми стапката на задолжителна резерва за обврските во странска валута од 16,5% на 18%. Оваа мерка, којашто е втора по ред по мартовската промена на стапките на задолжителна резерва, е наменета за натамошно поттикнување на денаризацијата на билансите на банките, што би се постигнало преку промени во каматната политика на банките, поточно преку понуда на релативно поповолни камати на денарските депозитни производи.
Растат каматите и на новите кредити
Народна банка
Дали ваквите потези на банките ќе значат зголемување на каматите и на кредити со оглед на тоа дека поскапите депозити редовно водат и до поскапи кредити? Тренд на раст на каматните стапки на новоодобрените кредити има веќе од април. Во мај споредено со месецот претходно каматната стапка пораснала за 0.02 пронецтни поени. Сега, просечната камата со која се задолжуваа домаќинствата во земјава изнесува 5.06 отсто.
Од април досега, централната банка три пати ја зголеми каматата на благајничките, и сега таа изнесува 2 проценти. Мерките на НБРМ се во правец на ублажување на ефектите од високата инфлација. Истовремено и Европската Централна банка и Федералните резреви на САД применуваат вакви мерки.
.webp){kind=icon}
