Се предвидува дека економијата на Македонија ќе порасне за два процента во 2024 година и ќе забрза до 2,6 проценти во 2025 година, се вели во новиот извештај на „Ерсте груп рисрч“ (Erste Group Research).
„Растот во 2024 година се очекува да остане ограничен поради доцнењето на големите проекти за изградба на автопати и бавното закрепнување на клучните надворешни пазари, особено Германија. Додека растот се предвидува да се подобри во текот на прогнозираниот период, ризиците се претежно на надолна страна“, наведуваат од „Ерсте“.
Оттаму додаваат дека во првата половина на 2024 година, економијата забележа раст 1,8 проценти на годишно ниво, при што растот надмина два процента на годишно ниво во вториот квартал за прв пат во две години.
Прочитај повеќе
Македонија троши повеќе од законскиот минимум
Јавниот долг не смее да расте за финансирање на тековни обврски, туку само за продуктивни цели
22.11.2024
Падот на извозот ја кочи економијата на Германија, растот е помал од очекуваното
Германското БДП во третиот квартал се зголеми за 0,1 отсто, што е помалку од првичната процена, според која се очекуваше растот да биде 0,2 отсто.
22.11.2024
Капитални проекти од над 800 милиони евра - нов балон или реалност
До 28.10 реализирани се 40 отсто од парите предвидени за оваа година
31.10.2024
БДП во 2023 година пораснал за 2,1 отсто
БДП во 2023 година изнесувал 897.694 милиони денари и во однос на 2022 година номинално е зголемен за 10,0 отсто, а реално за 2,1 отсто.
19.10.2024
Платите се главна тема, но каков буџет ѝ треба на Македонија в година
За десет години трошењето од државната каса во Македонија се зголеми речиси двојно.
15.10.2024
Фискална стратегија на Македонија: Нов раст на пензиите, нови задолжувања
Се предвидува растот на македонската економија да забрза на 3,7 проценти во 2025 година.
15.10.2024
„Ова подобрување беше поттикнато од падот на увозот, што ги намали надворешните притисоци бидејќи извозот остана пригушен“, се вели во извештајот.
Во него се додава дека домашната потрошувачка забави во споредба со 2023 година, при што јавната потрошувачка имаше клучна улога, потенцијално под влијание на предизборните расходи.
„Бруто-капиталот, по силниот почеток на годината поради базниот ефект, повторно се намали во вториот квартал“, наведуваат од „Ерсте“.
Од групацијата контстираат дека вкупната инфлација значително се намали, паѓајќи на 3,5 проценти на годишно ниво во октомври 2024 година, што е намалување од нејзиниот врв кон крајот на 2023 година.
„Сепак, базичната инфлација останува загрижувачка на ниво од 5,9 проценти, поттикната од зголемувањето на платите и зголемените трошоци за услуги“, велат од „Ерсте“.
Откако забележа суфицит на тековната сметка од 0,4 проценти од БДП во 2023 година, посочуваат оттаму, земјата забележа дефицит на тековната сметка од 1,4 проценти од БДП во првата половина на 2024 година, првенствено поради влошувањето на трговскиот биланс.
„Се очекува дефицитот дополнително да се прошири, поттикнат од увозот поврзан со автопатите и пригушените извозни перформанси“, велат од „Ерсте“.
.webp){kind=icon}
