text size
Секој четврти американец сака да вози електрично возило, но само 4 проценти од возилата произведени во американските фабрики се на електричен погон.
Северноамериканските компании произвеле 7,4 милиони автомобили и камиони во првата половина годинава, но само 323.000 се на батерии, покажува анализата на „BloombergNEF“ (БНЕФ).
„Последните две години гледаме дека побарувачката ја надминува понудата“, вели аналитичарот на БНЕФ, Кори Кентор.
Незадоволителното ниво на производство е резултат на неизвесните економски текови и сложеното производство. Автомобилските компании велат дека мора да продолжат да продаваат возила со внатрешно согорување за да може да финансира истражување и развој, кои се потребни за транзиција кон електрични возила. Многу од производителите брзаат истовремено да обезбедат залихи на батерии.
Но, како што брзо се зголемува интересот на потрошувачите за електрични возила, така производителите на автомобили веќе се обидуваат да се натпреваруваат со тој тренд. Некои од најголемите светски автомобилски компании, вклучувајќи ги Хонда, Стелантис и Тојота, уште не произвеле американски електрични возила, додека Тесла во првата половина годинава повеќе од три четвртини од своите автомобили на електричен погон ги произведе во Соединетите Американски Држави (САД). Во меѓувреме, азиските компании произведуваат отприлика пет пати повеќе електрични возила.
„Ако прерано инвестирате во инвентар, наидувате на проблем со финансиски трошоци, а ако инвестирате предоцна ќе ја пропуштите побарувачката“, вели Кејти Герш, основач на консултантската компанија „Kotter International“. „Во овој случај тие многу доцнат“, вели Герш.
Размислете за фабриката на Стелантис во Детроит, една од најпрометните фабрики за автомобили на континентот. Во првата половина од годината произведоа 175.000 возила.
Во Форд 3 проценти од северноамериканското производство во првата половина од годината беа автомобили на електричен погон, додека големите камиони и теренските возила на плин чинат повеќе од две третини од производството.
Раководителите во автомобилскиот сектор знаат колку е голема грозницата на возила на електричен погон. Форд, на пример, се бори да оствари добивка од своите електрични возила делумно поради растечките производни трошоци. Иако индустријата е релативно голема кога станува збор за производните капацитети, сепак недостигаат големи батерии. Стелантис нема да има северноамерикански извор на батерии до 2024 година.
Аналитичарот од „Bloomberg Intelligence“, Кевин Тинан, едноставно вели „не секоја продажба е добра продажба“.
Меѓутоа, електричните автомобили се на пат. Се очекува дека Северна Америка до 2025 година ќе го зголеми производството на електрични возила за четири пати. Форд се труди да пренамени три од фабриките за производство на батерии и две за монтажа на југоистокот од САД, со надеж дека ќе може да произведе 600.000 електрични возила следната година и дури 2 милиони автомобили на годишно ниво до 2026. Стелантис планира да го зголеми уделот на електрични автомобили во својата продажба во САД, со тоа што до 2030 година тие да изнесуваат половина од вкупната продажба.
Во меѓувреме, Џенерал Моторс месецов ја отвори својата фабрика за батерии во Охајо и има резервирани нарачки од Херц за 175.000 платформи на батерии.
Со побарувачката, која што е многу голема, компаниите значајно ќе го подобрат своето салдо, иако профитните маржи не се толку големи колку што посакуваа раководителите. „Во овој момент нема причина производителите на автомобили да чекаат. Инаку, Тесла сам ќе го „изеде“ целиот пазарен удел“, вели аналитичарот Кентор од БНЕФ.
.webp){kind=icon}
