„Рено“ гледа подобар партнер во „Гили“ отколку во „Нисан“

Партнерството на „Рено“ (Renault SA) со „Гили“ (Geely) може да биде поприродно од долгогодишниот сојуз со „Нисан“ (Nissan Motor Co.), рече главниот извршен директор Лука де Мео.

Кинеската автомобилска групација што ги контролира автомобилските брендови вклучувајќи ги „Волво“ и „Лотус“ е одлична компанија, која работи многу брзо, рече денеска Де Мео.

„Има многу работи што може да ги направиме заедно“, рече тој разговарајќи со аналитичарите за заработката на „Рено“. „Партнерството е веројатно поприродно од различните гледишта што ‘Рено’ и ‘Нисан’ ги имаа историски“.

„Рено“ и „Гили“ неделава објавија планови за заедничко производство и продажба на електрични возила и возила со ниски емисии во Бразил. Тие веќе работат заедно во Јужна Кореја, како и на мотори со внатрешно согорување и хибридни погонски единици.

„Гили“, компанија во сопственост на кинескиот милијардер Ли Шуфу, ги контролира производителите на автомобили, вклучувајќи ги „Волво“ (Volvo Car AB) и „Полстар“ (Polestar Automotive Holding UK Plc). Ли е еден од најголемите акционери на германски „Мерцедес“ (Mercedes-Benz Group AG).

„Рено“ делумно го раскинува сојузот со „Нисан“ поради зголеменото ривалство и меѓусебната недоверба, но сепак поседува удел од 36 проценти во јапонскиот производител на автомобили. Партнерството на „Рено“ со „Гили“ не бара акционерски врски и ќе остане флексибилно, рече Де Мео.

„Гледам многу сличности во начинот на кој двете компании ја гледаат иднината на автомобилската индустрија“, рече Де Мео, навестувајќи и други новитети.

Во моментов нема коментари за веста. Биди прв да коментира...

Остави коментар