Глобалната емисија на јаглероден диоксид од електраните годинава може да биде рекордно висока откако летните суши и топлотните бранови го поттикнаа производството на струја од јаглен и природен гас.
Зголеменото користење на фосилните горива ја покачи емисијата од страна на производителите на електрична енергија за 1,7 отсто, или 133 милиони тони во првите осум месеци годинава, објави денеска истражувачкиот центар за клима „Ембер“. Бројките најмногу отскокнале во јули и август, а производството со користење на фосилни горива во првата половина годинава остана непроменето во споредба со истиот период претходната година.
Квартална промена во производството на електрична енергија на клучните пазари -Bloomberg
Топлотните бранови во текот на ова лето направија потреси на побарувачката за електрична енергија и на мрежата ширум светот. Историската суша во Кина нанесе голема штета на производството на хидроенергија и побарувачката нагло порасна, додека во Европа се намалија акумулациите, а опадна и производството во нуклеарните електрани додека Франција се бори да ги поправи своите застарени производни капацитети.
Прочитај повеќе
ЕУ размислува да ги врати во употреба дозволите за емисија на „CO2“
Ако се ослободат дозволите ќе се соберат 20 милијарди евра од емисија за јаглероден диоксид
04.10.2022
Можниот недостиг од струја го одложува гасењето на нуклеарките во Германија
Германија соопшти дека ќе задржи два од трите реактори како резерва за производство на струја до април
28.09.2022
„Не може да сме сигурни дека го достигнавме врвот во секторот за енергија од јаглен и гас. Емисијата на јаглероден диоксид во светкиот енергетски сектор уште се држи на некое ниво од историски врв, но наскоро мора да почне да се намалува“, рече Малгорцата Виатрос-Мотика, виша аналитичарка за електрична енергија во Ембер.
Сепак, производството на електрична енергија од обновливите извори на енергија порасна за 416 терават часови, што е повеќе од зголемувањето на глобалната побарувачка за електрична енергија од 389 терават часови, се наведува во извештајот на Ембер. Само ветерот и сонцето, како извори на енергија, реализираа раст од 77 проценти на производството на струја. Таков поттик во обновливите извори на енергија заштеди 40 милијарди долари за трошоци за гориво, а исто така намали и 230 милиони тони емисија на јаглероден диоксид, сметаат од Ембер.
„Ветерот и сонцето, како извори на енергија, се докажаа во текот на енергетската криза“, вели Виатрос-Мотика. „Првиот чекор за амортизирање на притисокот од скапите фосилни горива, кои се големи загадувачи, е изградба и инсталирање на доволно капацитети за чиста енергија, со цел да се задоволи растечкиот апетит за струја во светот“, додава таа.
Истражувачкиот центар Ембер анализираше податоци од вкупно 75 држави, кои чинат 90 отсто од побарувачката за електрична енергија во светот.
.webp){kind=icon}
