Најголемите турски бизнисмени повикуваат да се премине кон хиперинфлациско сметководство, предупредувајќи дека моментално системот дава невистинита слика за профитабилноста.
„Компаниите мора да плаќаат данок на непостојна добивка“, изјави Нуретин Оздебир, раководител на индустриската комора во Анкара.
„Без разлика на тоа што некој заработува од толку високата инфлација, сепак се губи капитал“, додаде Сахин Билгич, претседател на стоковната берза во Адана.
Прочитај повеќе
Инфлацијата во Турција достигна 85 отсто, веројатно тоа е врвот
Храната и безалкохолните пијалоци поскапеле за 99,1 отсто, се очекува цените да почнат да паѓаат
03.11.2022
Претходно Рифат Хисарчиклиоглу, претседател на Унијата на комори и стоковни берзи, рече дека промената на сметководствените правила е многу важна. Во хиперинфлациско сметководство, немонетарните ставки, како што се резервите, се приспособуваат за да се обезбеди билансите да ја одразуваат куповната моќ. Турските сметководствени стандарди бараат тригодишна кумулативна инфлација од 100 проценти, за да може да се користи тој систем. Тоа ниво е пробиено пред околу една година, но законот, кој е усвоен во јануари, вели дека не може да се примени до остварување на заработката за цела 2023 година.
Годишната инфлација на потрошувачките цени во Турција во октомври порасна за над 85 проценти, додека производствените цени пораснаа за 158 проценти. Растот на цените дополнително забрза откако централната банка во септември го започна својот циклус олабавувања. Оттогаш референтната еднонеделна репо-стапка е намалена за 850 базични бода, на 10,5 отсто, а претседателот Реџеп Таип Ердоган повикува на едноцифрена стапка до крајот на годинава.
Нето-приходите на компаниите што котираат на Истанбулската берза во просек пораснаа за 90 отсто во третото тримесечје, споредено со истиот период лани, покажуваат пресметките врз основа на податоците на „Блумберг“.
Во првите девет месеци вкупната добивка на банките порасна за пет пати во однос на истиот период од претходната година, покажуваат податоците од банкарскиот регулатор.
„Денес ниеден биланс не ги отсликува фактите. Ние сме во лажен рај. Без хиперинфлациско сметководство, тоа што го гледаме сега се само зомби-компании“, рече Недим Тукмен, овластен јавен книговодител.
.webp){kind=icon}
