Глобалната економија се соочува со една од најлошите години во последните три децении, бидејќи, според Bloomberg Economics, енергетските шокови од војната во Украина продолжуваат.
Во новата анализа, економистот Скот Џонсон прогнозира раст од само 2,4 отсто во 2023 година. Тоа е помалку од претходната проценка за раст од 3,2 отсто и е најниско нив - без кризните години од 2009 и 2020 година - од 1993 година.
Сепак, просечната бројка веројатно ќе ги прикрие различните судбини, при што еврозоната ќе ја започне 2023 година во рецесија, а САД ќе ја заврши така. Спротивно на тоа, Кина се прогнозира да го забрза растот за повеќе од 5 отсто, благодарение на побрзо од очекуваното завршување на стратегијата за „нулта Ковид“ и зајакнувањето на пазарот на недвижности кој беше погоден од кризата.
Разликите, исто така, ќе бидат очигледни кога станува збор за монетарните политики на централните банки.
„Во САД, зголемувањето на платите ја одржува инфлацијата над целта, и мислиме дека ФЕД се движи кон стапка од 5 отсто на која ќе остане до првиот квартал од 2024 година. Во меѓувреме, во еврозоната, побрз пад на инфлацијата ќе значи пониска стапка кон крајот на 2023 година“, напиша Џонсон.
Во Кина, каде властите се растргнати меѓу желбата да го поддржат закрепнувањето и загриженоста за слабоста на валутата, се планираат „ограничени“ намалувања на каматните стапки.
.webp){kind=icon}
Во моментов нема коментари за веста. Биди прв да коментира...