Доларот расте - не се гледа крајот на овој тренд

Пред петнаесетина денови, во доцните вечерни часови, George Boubouras гледал натпревар во крикет во својот дом во Мелбурн кога почнале да му стигаат пораки и телефонски повици.

Еврото штотуку се изедначи со доларот, па сите – кленти, фондовски менаџери и трговци –сакале да знаат што ќе им препорача тој како шеф на аналитика во K2 Asset Management. Неговиот одговор бил едноставен: „Во овој момент не се натпреварувајте со доларот“.

После тоа се случија уште два настани на пазарот. Канадската централна банка ја зголеми каматната стака за цел процентен поен, а монетарните власти во Сингапур интервенираа за да ја поддржат својата валута во однос на доларот.

Тогаш ѕвонел телефонот и на Mitula Koteche, стратешки аналитичар на TD Securitiesu од Сингапур, кој бил на одмор, на плажа со сопругата во Тајланд.

„Се се случуваше во ужасно кратко време. Не можев да верувам. Вистинска драма“, изјави.

Доларот во последно време е во таков растечки тренд во односот на другите валути што е тешко да се сетите на нешто случно во неодамнешната историја. Тоа првенствено е резултат на агресивното дигање на каматите од страна на ФЕД. Со оглед на тоа дека ФЕД засега нема намера да ја смени насоката, малку нешта можат да влијаат за доларот да не продолжи да расте.

„Сега имаме загриженост околу рецесијата, што придонесува за јакнење на доларот, а стегањето на монетраната политика ја засилува загриженоста од рецесија. Затоа нема брзи решенија“, вели аналитичарот на HSBC во Хонг Конг, Joey Chew.

Причините за побарувачката за долари се едноставни. Кога глобалните пазари полудуваат, инвеститорите бараат сигурност.

Brendan McKenna, аналитичар во Wells Fargo Securities во Њујорк, сепак смета дека ФЕД би можел да ја намали каматната стапка во еден момент догодина  кога стопанскиот раст ќе забави, што барем ќе го ублажи трендот на раст на доларот.

Во меѓувреме, валутите на развиените земји и земјите во развој продолжуваат да трпат.

Вака силниот долар ги јакне профитите на производителите на нафта и извозниците на суровини, како и на компаниите како јапонска Тојота која голем дел од приходите ги остварува во САД.

Тоа е вистинска добивка за американските туристи кои патуваат во Европа и светот.

„Дури тогаш кога инвеститорите ќе бидат повторно подготвени да купуваат ризичен имот, ќе можеме да очеекуваме трендот да се сврти, а тоа нема да се случи пред да се уверат дека ФЕД ќе го сврти правецот, вели Jane Foley од холандската банка Rabobank.

Во средата, ФЕД ја дигна каматната стапка за 75 базни поени втор месец по ред затоа што годишната инфлација во јуни стигна до 9,1 отсто.

Додека не биде појасно кога нарушувањето на глобалниот пазар и одлучноста на ФЕД за сузбивање на инфлацијата би можеле да стигат до крајот, тешко дека некој инвеститор би се одлучил да се обложува против доларот.