Можно е покачување на каматите до 4 отсто, а ФЕД подолго да ги држи високи

Банкарите од американските Федерални резерви (ФЕД) сигнализираат дека следната недела повторно ќе ги зголемат каматните стапки и дека до крајот на годинава референтната каматна стапка ќе достигне 4 отсто, а ќе остане висока и во 2023 година, велат економистите со кои разговараше Блумберг.

ФЕД ќе ги зголеми каматите за уште 75 базни бодови трет пат по ред на следниот состанок, а креаторите на монетарната политика ќе ја соопштат својата одлука наредната среда.

Со таквата одлука вредноста на каматната стапка ќе биде 3 отсто или 3,25 отсто. Се очекува дека на состанокот прогнозите на ФЕД ќе покажат максимални 4 проценти за референтната каматна стапка до крајот на годинава, но и дека покачувањето ќе продолжи и следната година пред да се вратат каматите на максимални 3,6 проценти во 2024 година.

Bloomberg Mercury/ Анкетата е спроведена во период од 9 до 14 септември, а вклучени се 45 економисти

Претседателот на ФЕД, Џереми Пауел, изјави дека ФЕД се силно фокусирани на враќање на инфлацијата на поставената цел од централната банка од 2 проценти и дека нема прерано да ја прекинат својата борба соочени со послабите економски податоци. Ставот за поагресивно делување беше дополнително поттикнат од податоците за потрошувачките цени во САД во август, кои што покажуваа инфлација поголема од очекуваното.

„Очекуваме дека ФЕД ќе продолжи со политиката на зголемување на каматните стапки додека не се спушти инфлацијата“, рече Роберт Дент, виш американски економист во компанијата „Nomura Securities International Inc“. „Што подолго остане висока инфлацијата, толку е поголема загриженоста за спиралата на платите и/или инфлаторните очекувања“, додава Дент.

Што велат економистите на Блумберг?

„Мислиме дека каматната стапка ќе порасне на околу 4,2 проценти во 2023 година, во споредба со претходно прогнозираните 3,8 отсто. Исто така, падот на стапката во 2024 година не би било така нагло како во прогнозите од јуни. Односно, каматите би се намалиле на околу 3,8 до 4 проценти во 2024 година. Прехотните прогнози за 2024 година беа дека каматите ќе бидат 3,4 отсто“, вели Ана Вонг, главна економистка во американскиот Блумберг.

Пауел беше нејасен околу тоа колку високо би можеле да се вивнат каматните стапки и во јули рече дека ФЕД ќе ја донесе одлуката на самиот состанок.

Инвеститорите во среда очекуваат зголемување за 75 базни поени, а стапката до крајот на годината дополнително ќе се покачи и ќе заврши на ниво од околу 4,23 проценти.

Според тоа, прогнозите на економистите не се совпаѓаат со тие на ФЕД. Инфлацијата и натаму е централен проблем според кој што се кројат политиките на ФЕД. Се очекува инфлацијата во 2022 да биде 5,2 отсто, во 2023 2,6 проценти, а во 2024 година да се спушти на 2,2 проценти. Тоа би значело и остварување на целта на ФЕД за 2 проценти инфлација до 2025 година.

Економистите од Вол Стрит продолжија да ја искажуваат својата загриженост поради потенцијалот за рецесија, додека ФЕД jа заострувa монетарната политика поради неповолните движења, вклучувајќи повисоки цени на храната и енергијата сред руската инвазија врз Украина.

Bloomberg Mercury/ Анкетата е спроведена во период од 9 до 14 септември, а вклучени се 45 економисти

Економистите се поделени околу прогнозите за рецесија, при што 49 отсто од нив гледаат веројатност од рецесија во следните две години, 33 проценти од нив гледаат извесно пократко време рецесија или евентуално нулта економски раст или мал негативен раст, а останатите очекуваат дека ФЕД ќе постигне ниска инфлација со благ пад на континуираниот раст.

 

Во моментов нема коментари за веста. Биди прв да коментира...

Остави коментар