.webp){kind=icon}
Американците трошат повеќе од своите пензиски заштеди за да ги покријат сметките за домување и медицински трошоци, бидејќи се зголемуваат притисоците врз трошоците за живот, покажуваат податоците објавени денеска од страна на „Фиделити Инвестментс“.
Околу 2,3 отсто од работниците дале отказ поради тешкотии во минатиот квартал, што е повеќе од пред една година, покажуваат податоците. Главните две причини наведени за зголемувањето се избегнување на запленување за сопствениците на куќи или иселување за изнајмувачите како и за медицински трошоци.
Американците кои не влегуваат во групата најбогати ги загубија дополнителните заштеди создадени со почетокот на пандемијата и сега имаат помалку пари на рака отколку кога започна пандемијата, се вели во најновата студија на Федералните резерви за финансиите на домаќинствата.
Во третиот квартал, 2,8 отсто од сопствениците на така наречените 401(k) пензионерски сметки (најчестиот вид пенизонерска сметка во САД) подигнале заем на нивната сметка, што е повеќе од 2,4 отсто од третиот квартал од 2022 година, открива „Фиделити“. Севкупно, приближно еден од шест работници, или 17,6 отсто, има неподмирен заем.
„Фиделити“ спроведе квартална анализа со прегледување на однесувањето кон заштедите и салдата на повеќе од 45 милиони пензиски сметки.
Заемите земени со заштедите од 401(k) генерално мора да се отплаќаат во текот на пет години со камата. Сепак, некои работници го преземаат она што е познато како повлекување на работното место, каде што работодавците дозволуваат повлекувања кои вклучуваат даноци и казни, но не мора да се враќаат.
Bloomberg Mercury
Минатиот квартал, 3,2 отсто од учесниците се повлекле од услугата, што е за половина процентен поен повеќе од пред една година, покажува студијата.
Генерално, просечното салдо на пензиската сметка е благо намалено во однос на претходниот квартал. Просечното салдо од 401 (k) беше 107.700 долари, што е пад од четири отсто во однос на вториот квартал. Во текот на изминатите пет години, просечниот биланс од 401(k) е суштински непроменет.
