Во април, индексот на цените на храната на ФАО (FFPI) изнесуваше 119,1 поен, што е за 0,3 поени (0,3 отсто) повеќе од ревидираното мартовско ниво, како резултат на зголемувањето на индексот на цените на месото и помалото зголемување на растителното масло и житни индекси . Иако индексот на ФАО забележа втор месечен пораст по седуммесечен надолен тренд, сепак тој е за 7,4 отсто понизок од пред една година.
Цените на житата во април се зголемени за 0,3 отсто на месечно ниво, додека во однос на април лани се пониски за 18,3 отсто. По падот три последователни месеци, просечните светски извозни цени на пченица се стабилизираа во април. Притисокот на цените што произлегува од загриженоста за неповолните услови на земјоделските култури кои влијаат на жетвата во 2024 година во делови од Европската унија, Руската Федерација и Соединетите Американски Држави се компензира со континуираната силна конкуренција меѓу главните извозници. Спротивно на тоа, цените на извозот на пченката се зголемија, главно поттикнати од силната побарувачка за увоз во услови на растечки логистички нарушувања како резултат на оштетувањата на инфраструктурата во Украина и намалените производствени изгледи во Бразил пред почетокот на главната жетва.
Пораснаа и цените на растителните масла за 0,3 отсто и достигнаа највисоко ниво во последните 13 месеци. Благиот пораст го одразува нето ефектот на повисоките цени на сончогледовото масло и маслото од канола, неутрализирајќи ги малку пониските цени на маслото од палма и соја.
Цените на млечните производи паднаа за 0,3 отсто, што бележи пад по шестмесечен континуиран раст. Во однос на април лани, цените се за 4,3 отсто пониски. Меѓународните цени на обезмастеното млеко во прав забележаа најголем пад, првенствено поттикнат од слабата побарувачка за увоз, особено во Западна Европа. Во меѓувреме, светските цени на сирењето благо паднаа, што во голема мера го одразува зајакнувањето на американскиот долар. Спротивно на тоа, светските цени на путерот продолжија да растат поради стабилната увозна побарувачка и донекаде намалените залихи на путер во Западна Европа.
Bloomberg Mercury
Индексот на цените на месото на ФАО во просек изнесуваше 116,3 поени, што е за 1,6 отсто повеќе во однос на март, што претставува трет последователен месечен пораст и оставајќи го индексот само 0,4 отсто под неговата соодветна вредност пред една година. Цените на живината се зголемија, поддржани од постојаните увозни набавки од земјите од Блискиот Исток, во услови на тековни производствени предизвици кои произлегуваат од појавата на птичји грип. Светските цени на говедското месо исто така пораснаа, поттикнати од континуираната висока побарувачка од увозниците, и покрај зголемените залихи од домашни извори во водечките земји увозници.
Шеќерот се пониски за 5,9 отсто на месечно, а за 14,7 отсто на годишно ниво. Падот на светските цени на шеќерот во голема мера беше поврзан со подобрените изгледи за глобалната понуда, особено поради подобрите од очекуваните резултати во Индија и Тајланд. Дополнително, подобрените врнежи во Бразил кон крајот на март и почетокот на април, по подолг период на суво време, ја намалија загриженоста за изгледите за неодамна започнатата жетва и придонесе за месечниот пад на цените.
.webp){kind=icon}
