.webp){kind=icon}
Главниот извршен директор на „Голдман Сакс“ (Goldman Sachs Group Inc.), Дејвид Соломон, рече дека во моментов очекува оти Федералните резерви (Фед) нема да ги намалат каматните стапки годинава, во услови на економија што се покажа поотпорна благодарение на владините трошоци.
„Сè уште не гледам податоци што се доволно убедливи дека во моментов ќе дојде до намалување на стапките“, рече тој на настанот организиран од Бостонскиот колеџ, додавајќи дека во моментот предвидува „нула“ намалувања. „Инвестициите во инфраструктурата за вештачка интелигенција исто така ѝ помогнаа на економијата да биде поотпорна на монетарното затегнување на Фед“, рече тој.
Сепак, потрошувачите почнуваат да го чувствуваат притисокот од повисоките цени, рече Соломон. Тој ги посочи неодамнешните извештаи за заработка од „Мекдоналдс“ (McDonald’s Corp.) и „Автозон“ (AutoZone Inc.) како доказ дека потрошувачите почнуваат да ги ограничуваат трошоците.
Прочитај повеќе
Од „Голдман“ велат дека борбата против инфлацијата ќе го зајакне доларот
Доларот ќе остане силен доколку Фед продолжи да ги држи каматните стапки на овие нивоа додека другите земји ги намалуваат трошоците за задолжување.
22.05.2024
„Ако разговарате со извршни директори што водат бизниси што навистина се занимаваат со она што јас ќе го наречам средината на американската економија, тие бизниси почнаа да забележуваат промени во однесувањето на потрошувачите“, рече тој. „Инфлацијата не е само номинална. Таа е кумулативна и затоа сè е поскапо. Почнувате да гледате дека потрошувачот, просечниот Американец, го чувствува тоа“.
Таа промена во однесувањето на потрошувачите го зголемува ризикот од „реално и опипливо“ забавување во споредба со пред шест месеци, рече тој. Соломон исто така ја наведе геополитичката кревкост, за која рече дека е нешто со кое луѓето ќе мора да живеат долго време.
Bloomberg
На почетокот на месецов Соломон рече дека економијата „се движи доста добро“, иако во март предупреди дека инфлацијата најверојатно ќе биде полеплива отколку што очекуваа пазарите.
Тимот економисти на „Голдман“ во април посочија дека очекуваат само две намалувања годинава, при што првиот потег доаѓа во јули, проследен со уште еден во ноември. Тоа е ревизија од нивните претходни предвидувања - и ја одразува пошироката борба на аналитичарите да го предвидат патот на Фед по првиот голем бран на инфлација во последните четири децении.
Претседателот на „Голдман“, Џон Волдрон, рече дека има голема дебата во компанијата за темпото на намалувања, при што оние што разговараат со клиентите грешат на повнимателната страна.
„Мислам дека многумина од нас околу истата маса, кои се повеќе на страната на практичарите и кои разговараат со многу клиенти, извршни директори и други, се повнимателни за тоа дали Фед навистина ќе може да се придвижи толку рано“, рече тој. „Се чини дека има во системот има повеќе инфлација“.
Европските централни банки имаат поголема веројатност да ги намалат каматните стапки годинава, со оглед на бавноста и „структурните демографски прашања“ во таа економија, рече Соломон. Економијата во Кина „дефинитивно се бори“, рече тој. „Се чувствуваат забавување и слабост низ светот“, рече тој.
Враќање во канцеларија
Соломон исто така разговараше за важноста од враќањето на канцелариските навики од пред пандемијата, особено за помладите вработени, кои сè уште го учат бизнисот. Околу половина од вработените во компанијата се во нивните 20-ти години и тие „доаѓаат во фирмата со експлицитна цел да учат од други луѓе“, рече Соломон. „Тоа не се случува на ист начин кога не се собрани на едно место“.
Додека многу корпоративни лидери зазедоа јавни ставови за социјалните и политичките прашања во последниве години, Соломон рече дека не го гледа тоа како дел од неговата работа како извршен директор на „Голдман“. „Ова станува сè покомплицирано“, рече тој. „Можете да го посочите кој било проблем и ќе има многу луѓе од 'Голдман Сакс' и на двете страни“, рече тој.
