И покрај фактот што каматните стапки во Кина се на рекордно ниско ниво, ќе се случи првата емисија на корпоративниот долг со променлива каматна стапка по повеќе од четири години.
„Шангај Линганг“ ќе издаде обврзници во вредност од 140 милиони долари, со рок на доспевање од 20 години и со променлива каматна стапка.
Ова е прва кинеска корпоративна обврзница со променлива стапка од 2020 година, според податоците собрани од „Блумберг“.
Bloomberg
Издавачот ќе ја плати разликата во приносот во споредба со петгодишните кинески државни обврзници, а купонот ќе се преутврдува на секои пет години, се вели во проспектот.
„Тајмингот на издавањето на обврзниците со променлива стапка е многу изненадувачки“, рече Ванг Чен, еден од основачите на компанијата за анализа на кредитен ризик „Белт енд Роад“(Belt & Road). Тој рече дека компаниите најчесто издаваат вакви обврзници кога мислат дека каматите дополнително ќе паднат, а тие веќе се на рекордно ниско ниво.
Компаниите што издаваат обврзници имаат корист од ниските трошоци за задолжување во Кина, чија централна банка се обидува да го стимулира економскиот раст преку релаксирана монетарна политика. Бидејќи овие околности привлекуваат инвеститори, се проценува дека емисиите би можеле да достигнат 11 трилиони јуани оваа година.
.webp){kind=icon}
