Фед ја намалува каматната стапка за 50 базични поени. Одлуката која е донесена попладнево за многумина е изненадување затоа што намалувањето на каматата за трошоците за задолжување е подрастично од очекувањата.
Федералниот комитет за отворен пазар (FOMC) се изјасни за намалување на целната референтна каматна стапка на опсег од 4,75 до 5 проценти.
Од јули лани досега каматните стапки во САД беа на највисоко ниво во последните 23 години.
Bloomberg Chartmaker
Во анализата претходно неделава аналитичарите на „Блумберг Адрија“ прогнозираа намалување на каматната стапка за 25 базични поени.
„Иако пазарите сè уште малку пооптимистички и очекуваат поголемо намалување, сепак сметаме дека е оптимално да се започне со 25 базични поени, па потоа ќе видиме натамошен развој на инфлацијата и на пазарот на труд“, стои во коментарот на нашите аналитичари.
Една од причините за Фед да почне со олабавување на каматните стапки е сè уште силниот пазар на труд. Бројот на новоотворени работи места постепено опаѓа, што „дава простор на Фед да почне да ја намалува каматната стапка за да не ја придуши економијата“, рекоа аналитичарите пред одлуката на централната банка.
Базичната инфлација во Соединетите Држави неочекувано се забрза во август со зголемувањето на кириите.
Bloomberg Chartmaker
Покрај тоа, продажбата на мало во САД неочекувано се зголеми во истиот месец, а продажбата преку интернет најмногу придонесе за растот.
Индексот на основната инфлација, кој не ги вклучува променливите категории храна и енергија, е зголемен за 0,3 отсто во однос на јули и за 3,2 отсто во однос на август лани.
НБРМ прв пат ја намали рефернтната камата
Одлука за намалување на каматната стапка прв пат вчера објави и извршниот одбор на НБРМ. Македонските монетарни власти се одлучија за намалување од 25 п.п што значи дека референтната камата се намали од 6,30 на 6,05 отсто.
Ова е прво намалување на каматната стапка во земјава по почетокот на кризата со зголемените трошоци на живот, но прво и по март 2021 година.
Во земјава последната промена на каматната стапка се случи лани во септември. На почетокот на летото кон ЕЦБ го почна циклусот на монетарно олабавување, НБРМ не презеде мерки поради стапката на инфлација која тогаш сè уште беше повисока од проекциите.
Во август, Државниот завод за статистика измери најниска инфлација од 2,2 отсто на годишно ниво што е на нивото од почетокот на 2021 година.
Сепак, во денешното соопштение НБРМ наведе дека сè уште постојат ризици за економијата. Надворешни ризици се цените на суровините поради геополитичките тензии, а домашен ризик е растот на платите и пензиите.
НБРМ соопшти дека ќе ја надгледува ситуацијата и во наредниот период ќе презема мерки согласно своите овластувања.
.webp){kind=icon}
