.webp){kind=icon}
Глобалните цени на храната паѓаат петти месец по ред откако побарувачката за некои производи се намали и дојде до сезонски раст на залихите.
Жетвата на пченицата на северната хемисфера помага за ублажување на состојбата со намалените испораки, а се повеќе жито излегува од украинските пристаништа. Светскиот индекс за трошоците за храна на ООН падна за 1,9 отсто во август во однос на јули, покажуваат денешните податоци. Индексот е на најниско ниво од јануари.
Намалувањето на цените би можело да понуди мало олеснување на потрошувачите кои се борат со кризата со трошоците на живот. Сепак, падот не е така голем како во јули кога цените на храната паднаа најмногу по 2008 година, но останаа повисоки во однос на лани. Инфлацијата кај храната не покажува знаци на попуштање во многу земји, а повисоките цени на енергенсите веројатно ќе ги зголемат цените за преработка. Жетвите на долг рок можат да бидат помали затоа што земјоделците ја ограничуваат употребата на ѓубриво.
Загриженоста заради влијанието на сушата врз жетвата на пченката делумно го неутрализираше падот на цените на житарките. И додека се повеќе житарки ја напуштаат Украина, количината се уште е далеку под нормите, а изгубеното земјоделско земјиште и ниските локални цени се закана за следната жетва на пченица.
Индексот на ООН ги следи извозните цени на суровата стока и ги исклучува малопрдажните маржи така што може да помине некои време додека потрошувачите да го почувствуваат намалување на цените на храната.
