Европските трговци може да учат да штедат струја од Јужна Африка

Европските трговци на мало би можеле да се обратат до своите колеги во Јужна Африка за идеи како да се справат со најголемата енергетска криза во последните неколку децении, додека се подготвуваат за потенцијално „помрачување“ зимава. Главниот извршен директор на Shoprite Holdings Ltd., најголемиот африкански трговец, ги советува европските трговци да се подготват за поголеми инвестиции за да може однапред да планираат и управуваат со дисторзиите на пазарот поради прекинот со испорака на енергенси.

Европските трговци на мало, кои со години правеа профити со помош на релативно ниските сметки за енергија, се соочуваат со драматично зголемување на цените поради прекинот на испорака на природен гас од Русија, а тоа би можело буквално да ги банкротира некои од помалите фирми. Британската премиерка Лиз Трас најави опсежен пакет за домаќинствата во рамки на мерките за справување со кризата. Но, кај компниите трошоците за струја се зголемени и за 10 пати.

Во Јужна Африка државната електроенергетска компанија Eskom Holdings SOC Ltd. не може да ја задоволи побарувачката поради својата застарена опрема и слабо одржуваните електрани на јаглен. Резултатот од тоа беше половина ден без струја на почетокот од летото, а и во текот на оваа недела се случи да нема струја бидејќи пет електрани на јаглен и една нуклеарна електрана имаа дефект.

Morleys Group, регионалниот ланец на трговски маркети, соопшти дека нивните трошоци за струја минатата година пораснале за 50 проценти, а дека следниот месец ќе се зголемат за уште 70 отсто. Затоа, трговецот инвестира милион фунти во мерки од типот вградување лед светла и тајмери за да се обидат да ги ублажат растечките трошоци во своите осум трговски центри.

„Цените не' поттикнаа да инвестираме во помала потрошувачка и тоа помогна да се ублажи огромниот раст на трошоците“, изјави претседателот на групацијата, Бернард Дрезман, според кого тоа е вистински предизвик.

Сите 2.700 продавници ширум Јужна Африка сега имаат генератори на дизелски погон, а користат и панели на соларна енергија.

„Тоа е огромен капитален трошок, тоа не се решава преку ноќ“, велат од компанијата, чие седиште е во Кејптаун. Тие исто така го сменија и својот возен парк за да ги намалат трошоците за испорака.

Слични примери има и во Европа но, кај поголемите трговски ланци.

Во Велика Британија J Sainsbury Plc целосно ја адаптираше својата работа на вградени соларни панели во повеќе од 200 продавници и користи технологија на аерофолии за да спречи пропуштање на ладниот воздух. Morrisons исто така користи технологија, која што го држи ладниот воздух во ладилниците и замрзнувачите. Ланецот има инсталирано соларни панели на 37 локации и планира да ги прошири инвестициите во тој дел.

Еден од трговците кои особено се потпираат на енергија е ланецот за замрзната храна Iceland Foods.

Мерките за штедење електрична енергија не се евтини. Минатиот месец извршниот директор на Carrefour SA, Александер Бомпард, рече дека францускиот ланец супермаркети ќе ја намали потрошувачката на енемргија за 20 проценти до 2024 година, благодарение на инвестициите од 320 милиони евра.

„Се' додека е предвидлива испораката на струја може да се управува со трошоците. Бидејќи ако имате 240 парчиња леб во печките и одеднаш се случи да снема струја, тогаш ќе треба да се фрли целата храна“, објаснува директорот на јужноафриканскиот трговски ланец.

 

Во моментов нема коментари за веста. Биди прв да коментира...

Остави коментар