Инвеститорите се подготвуваат за клучните податоци за инфлацијата следната недела, кои би можеле да го влошат падот на пазарот на обврзници. Се очекува извештајот на Министерството за труд, кој треба да биде објавен во вторник, да покаже дека потрошувачките цени во јануари ќе забрзаат за првпат во последните три месеци, иако годишната стапка на инфлација дополнително се намалува.
До пресврт би дошло веднаш по објавата на податоците за работни места во јануари, кои дотогаш резултираа со пад на обврзниците. Потоа, претставници на Федералните резерви (ФЕД) рекоа дека битката со инфлацијата не е завршена и дека може да ѝ треба многу подолго на централната банка за да постигне стабилност на цените. Тоа, исто така, ќе ги уништи надежите дека инфлацијата ќе остане во надолен тренд, став што поттикна раст на државните обврзници минатиот месец.
„Постои краткорочен ризик инфлацијата да не падне толку брзо како што очекува пазарот“, рече Џими Чанг, главен инвестициски директор на „Рокфелер глобал фемили офис“ (Rockefeller Global Family Office).
Bloomberg Mercury
Притисокот врз централните банки на глобално ниво беше нагласен минатата недела во Австралија и Мексико, каде што тврдоглавиот инфлациски притисок предизвика раст на каматните стапки и политички насоки.
Претседателот на ФЕД, Џереми Пауел, исто така, даде претпазлив тон, велејќи ѝ неделава на публиката во Вашингтон дека ако продолжат да добиваат силни извештаи за пазарот на трудот или извештаи за повисока инфлација, може да се случи да направат повеќе и да ги зголемат каматите повеќе отколку што е пресметано. За време на друг говор, гувернерот Кристофер Валер рече дека е подготвен за подолга борба за да ја намалат инфлацијата до нивната цел.
Тоа го задржа притисокот врз државните трезори, при што двегодишниот принос се искачи над 4,5 проценти, што е највисоко ниво од крајот на ноември и претставува раст од минатонеделното ниво од 4,03 отсто. Референтната вредност, исто така, порасна за околу 0,86 отсто над десетгодишниот принос, означувајќи ја најдлабоката инверзија на кривата забележана во циклусот, која покажува како се очекува да изгледа агресивниот пат на ФЕД на крајот за да ја намали инфлацијата, наградувајќи ги имателите на државни обврзници со подолг рок на достасување.
Мајкл Кели, глобален раководител на секторот за средства во „Пајнбриџ“ (PineBridge Investments), вели дека зацврстената глобална економија и неодамнешните податоци за платните списоци во САД значат генерално дека е многу тешко во моментов за долгорочно да се постигне каков било позначаен пад на приносите.
Американската економистка на „Барклис“ (Barclays), Пуја Срирам, и нејзините колеги предвидуваат дека основната инфлација во САД се забрзала минатиот месец во услови на сè уште стабилен услужен сектор и закрепнување на инфлацијата на стоките. Во петокот тие ја зголемија прогнозата за средствата на ФЕД, гледајќи дека терминалната стапка се спушта во опсег од 5,25 до 5,5 проценти. Тековниот опсег на ФЕД е меѓу 4,5 и 4,75 отсто. „Барклис“ ја промени својата прогноза за чекорите на ФЕД и очекува зголемување на каматните стапки за 25 базични бода до јуни.
Во петокот, мерките засновани на истражување на Универзитетот во Мичиген покажаа дека очекувањата за цените во наредната година се зголемија на 4,2 проценти од 3,9 отсто, но останаа далеку под нивото забележано во првата половина од минатата година. Пауел и другите функционери на ФЕД многупати во текот на изминатата година ја нагласија важноста на очекувањата за инфлација да останат закотвени, бидејќи потрошувачите што гледаат повисоки цени во иднина ризикуваат да ги зголемат фактичките нивоа на инфлацијата.
„Изворите на инфлација доаѓаат од недостигот од работна сила што го гледаме во моментот, а платите ќе продолжат да растат“, рече Мет Смит, инвестициски директор во лондонскиот „Рафер“ (Ruffer LLP). Очекувањата вградени во приносите на пет и десетгодишните државни хартии од вредност, кои се заштитени од инфлацијата, се искачија на највисоките нивоа од почетокот на декември оваа недела. Смит рече дека „Рафер“ е позициониран за повисока долготрајна точка на пресврт, затоа што очекуваат дека ФЕД не е во состојба на крајот да ја намали инфлацијата до целта за стабилност на цените на ниво од два отсто.
Покрај податоците за потрошувачките цени, во претстојната недела треба да зборуваат и голем број претставници на ФЕД, меѓу кои и гувернерката на ФЕД, Мишел Бауман, како и претседателот на ФЕД Њујорк, Џон Вилијамс.
.webp){kind=icon}
Во моментов нема коментари за веста. Биди прв да коментира...