Раст на азиските берзи, вртоглав пад на доларот

На азиските берзи имаше раст бидејќи заладувањето на инфлацијата во САД го зајакна ставот дека циклусот на монетарно затегнување на Федералните резерви се приближува кон крајот. Приносите на доларот и на американските записи продолжија да се намалуваат.

Азиски акции затворија на највисоко ниво во повеќе од три недели, што беше поддржано од добивките во Хонг Конг, Австралија и Јапонија. „Сони“ (Sony Group Corp.) имаше раст за  повеќе од пет проценти во Токио откако „Голдман Сакс“ (Goldman Sachs Group Inc.) го смени ставот за оваа акција од неутрален и препорача купување. Фјучерсите на американските акции пораснаа.

Технолошките акции во Хонг Конг пораснаа четврти ден по ред откако кинескиот премиер Ли Кианг вчера се сретна со водечките директори од големите технолошки фирми во земјата. Веста додаде оптимизам дека Владата ги прекинува „репресиите“ врз индустријата во услови на слабеење на економијата.

Вредноста на доларот се намали за од 0,9 проценти и падна на најниско ниво во повеќе од една година. Кај јенот немаше големи промени откако претходниот ден се зголеми за 1,3 проценти во однос на доларот. Валутите на пазарите во развој се зголемија, при што јужнокорејскиот вон ја предводи добивката.

Јуанот е стабилен, откако податоците покажаа дека извозот на Кина падна втор месец по ред во јуни.  Намалувањето на увозот и податоците за ослабената трговска размена може да ги засилат повиците за поголема политичка поддршка за економијата.

Според некои некои од врвните менаџери за пари, доларот ќе има понатамошни загуби.

Приносите на американските записи продолжија да се намалуваат. Приносот на двегодишните американски обврзници, кои се почувствителни на неизбежните политички потези, се намалија за околу четири базични поени на 4,71 проценти, откако вчера се намалија за 13 базични поени.

Приносите на тригодишните обврзници на Австралија се намалија за 10 базични поени. Паднаа и приносите на државните обврзници на Нов Зеланд.

Индексот на потрошувачки цени во САД во јуни се намали на три проценти на годишно ниво, од четири проценти во мај. Базичната инфлација, која економистите ја сметаат за главен показател за инфлациските текови падна на 4,8 проценти, што е најниско ниво од 2021 година. Додека трговците предвидуваат дека Федералните резерви сепак ќе продолжат со уште едно зголемување на стапката овој месец, веројатноста за понатамошни зголемувања се чини дека избледнува.

Податоците за инфлацијата го поттикнаа S&P 500 до неговото највисоко затворање од април 2022 година. Технолошкиот Nasdaq 100 имаше подобри резултати, зголемувајќи се за 1,2 проценти.

„Брендивајн Глобал“ (Brandywine Global Investment Management) очекува ФЕД да затегне за 25 базични поени овој месец и потоа да паузира. „Го надминавме тој вид кризен менталитет околу инфлацијата“, изјави менаџерот на портфолиото Џек Мекинтајр за телевизијата „Блумберг“.

Инаку, вредноста на нафтата се зголеми по оптимизмот дека циклусот на зголемување на стапката на ФЕД се приближува кон крајот. Кај златото имаше мали промени.