Светските банки се најголеми купувачи на индиски обврзници

Странските банки беа најголемите инвеститори во индиските државни обврзници во последните недели, привлечени од потенцијалот за раст и стабилната валута.

Овие банки купиле повеќе од 500 милијарди рупии долг (околу шест милијарди долари) од почетокот на јуни, според податоците на Индиската клириншка корпорација. Тоа е многу над 200 милијарди рупии инвестирани во индиски корпоративни обврзници во овој период. Од ова може да се заклучи дека банките, кои вообичаено купуваат должнички хартии од вредност за сметки за чување, сега купуваат и индиски државен долг за нивните портфолија.

Обемот на купувања од страна на банките, вклучувајќи ги „Дојче банк“ и ХСБС, сугерира дека тие се оптимисти за Индија, чии обврзници „ЏП Морган“ ги вклучи во индексот на обврзници од пазарите во развој. Дополнително, за растот на побарувачката придонесоа и изборните резултати, кои обезбедија политички континуитет.

Bloomberg

„Банките веројатно беа претпазливи пред изборите, а по објавувањето на резултатите ги сменија позициите и оттогаш се обложуваат на раст“, ​​рече Нитин Агарвал, шеф на индиското тргување со хартии од вредност во Австралија и Нов Зеланд „Макроекономските показатели на Индија остануваат добри“, додаде тој.

„Можно е зголемувањето на побарувачката да се должи и на тргувањето со деривати меѓу банките и осигурителните компании“, рече Агарвал. Преку оваа трговија, наречена ФТА (англ. Forward rate contract), осигурениците си обезбедуваат долгорочни приноси без дополнително оптоварување во однос на долгот, а банките ги чуваат овие хартии од вредност до достасувањето за маржа.

Во јуни странските банки не биле нето-купувачи на индиски обврзници само четири дена, покажуваат податоците. Во понеделникот го зголемија обемот на набавки за уште 31 милијарда рупии, што е шести последователен ден кога купуваат повеќе отколку што продале. Во овој период нето-продавачи на обврзници беа индиските државни и приватни банки, како и заедничките фондови.

„Инфлацијата во Индија забавува и се очекува да биде просечно 4,5 отсто во фискалната година до март, зголемувајќи ги шансите за намалување на каматните стапки“, рече Парул Митал Синха од „Стандард чартетд“ (Standard Chartered) за „Блумберг“ во петокот.

„Кога приносите во светот ќе почнат да паѓаат и кога централната банка на Индија исто така ќе почне да ги намалува каматните стапки, приливот на пари може да биде уште поголем“, додаде таа.