Конгресот на САД го усвои првиот федерален закон што ја регулира употребата и издавањето на стабилни коини, дигитални токени врзани за американскиот долар, означувајќи историски пресврт за криптоиндустрија.
Легислативата, која беше донесена со широка двопартиска поддршка – 308 гласови „за“ и 122 „против“ – набргу ќе стане закон, откако претходно беше одобрен и од Сенатот. Тој беше силно поддржан од Републиканската партија и директно лобиран од претседателот Доналд Трамп, кој ја прогласи неделава за „Крипто недела“.
Што предвидува законот?
Новата регулатива воведува федерален или државен надзор врз стабилните коини деноминирани во долари, барајќи од издавачите да чуваат долар за секој издаден токен – вложени во краткорочни државни обврзници или други слични инструменти. Мерките имаат цел да донесат легитимност и доверба во пазарот вреден 265 милијарди долари, кој според аналитичарите на „Ситигруп“ (Citigroup) би можел да порасне до 3,7 трилиони долари до 2030 година.
Законот претставува значаен пресврт за дигиталниот финансиски сектор, кој сè уште закрепнува од колапсот на криптоберзата FTX пред помалку од три години. Криптоиндустријата вложи стотици милиони долари во минатогодишните избори за ги да поддржи кандидатите наклонети на дигиталните финансии.
И покрај поддршката, дел од демократските политичари, меѓу кои сенаторката Елизабет Ворен и конгресменката Максин Вотерс, изразија загриженост дека законот не нуди доволна заштита за потрошувачите и може да отвори пат за евентуални државни интервенции ако некој од издавачите на стабилни коини се соочи со банкрот.
Реакции од банкарскиот сектор
Водечките банкарски фигури, меѓу кои директорите на „ЏП Морган“ (JPMorgan), „Банка на Америка“ (Bank of America) и „Ситигруп“, ја препознаваат заканата што стабилните коини ја претставуваат за традиционалниот банкарски систем, особено во доменот на плаќањата и трансферите. Некои големи банки веќе најавија дека разгледуваат сопствено вклучување во пазарот на стабилни коини.
Најголема корист моментално може да имаат американските криптофирми како СИГ (Circle Internet Group Inc.), издавачот на USDC. Вредноста на акциите на СИГ порасна за 25 отсто оваа недела, а „Коинбејс“ (Coinbase) – која има договор за поделба на приходите со CИГ – достигна рекордни 410,75 долари по акција.
Контроверзии и конфликти на интереси
Во јавноста се отворија прашања за поврзаноста на претседателот Трамп и неговото семејство со повеќе криптокомпании, меѓу кои и ВЛФ (World Liberty Financial), која има сопствен стабилен коин. Според „Блумберг“, овие вложувања му додале најмалку 620 милиони долари на неговото лично богатство во последните неколку месеци. Обидите на некои демократи да се додаде клаузула во законот која би забранила на избрани претставници и нивните семејства да учествуваат во бизнисот со стабилни коини – беа неуспешни.
.webp){kind=icon}
