text size
Инфлацијата забрзува, и во јуни достигна нов рекорд. Споредно со ланскиот јуни, трошоците на живот пораснале за 14.5 отсто. Според денешната објава на статистика, најголем раст на годишно ниво имаат основите прехранбени производи од една, и горивата од друга страна. Лебот во споредба со пред 12 месеци сега е поскап за 30.8 отсто, течните горива за 64,5 отсто.
Според економските аналитичари на „Блумберг Адриа“, околу 4/5 од зголемувањето на стапката на годишната инфлација е предизвикана од растот на цените на храната и на енергијата.
Раст на цените има и споредено со месец мај. Трошоците на живот во овој период пораснале за 2,8 отсто. И во овој период лебот најмногу поскапел – за 7.8 отсто, маслото за јадење за 10.4 отсто, а горивата за 16.3 отсто.
Во јуни престанаа да важат владините мерки кои стапија на сила кон крајот на март затоа цените на основните производи и горивата забрза.
До 31 мај лебот, брашното сончогледово масло за јадење, млекото, оризот и јајцата се продаваа без ДДВ, а беа намалени и трговските маржи. Горивата пак, наместо со 18 отсто во тој пеирод се продаваа со 10 отсто ДДВ.
По укинувањето на мерките се создаде паника на пазарот, посебно во трговијата. Граѓаните панично купуваа основни прехранбени производи што доведе до недистиг на пазарот, а дел од трговците во таа ситуација и неколкукратно ги зголемија маржжите. Затоа Владата, на средината на минатиот месец повторно ги ограничи трговските маржи. Со новата одлука до 30 септември маржите за белиот леб, белиот шеќер и за сончогледовото масло за јадење се ограничени до 5 проценти во трговијата на големо и на мало. За брашното од пченица – тип 400 и тип 500, за макарони и шпагети од тврда пченица, македонски бел ориз, за трајното кравјо млеко и за јајца од кокошка е утврдена трговска маржа во висина до 10 проценти.
Инфлацијата во земјава има нагорен тренд од лани, а во последните три месеци урива рекорди и за прв пат по 2008 година има двоцифрени стапки на раст.
НБРМ се обидува со монетани мерки да влијае на намалување. Од април досега во три наврати ја зголемува основната каматна стапка од 1,25 на 2 отсто.
Покачувањето на основната камата од страна на централната банка е сигнал за период на повисоки камати и на штедните влогови и на кредитите, што би требало да придонесе за зголемување на штедењето и намалување на потрошувачката.
Економските аналитичари на „Блумберг Адриа“ предвидуваат дека инфлацијата ќе го достигне врвот во третиот квартал од 2022 година и дека при крајот на годината ќе има опаѓање главно поради високата споредбена основа од втората половина на 2021 година.
Според НБРМ пак,стапката на инфлација ќе се врати на пред кризните два отсто во 2024 година.
.webp){kind=icon}
