Андреј Кнез: Најниско очекувано ниво на евро/долар е 0,95

Девизниот курс евро/долар денеска го тестира нивото на паритет, спуштајќи ја вредноста на заедничката европска валута на најниско ниво во речиси 20 години. Нивото од 1,00 моментално се покажува како психолошки силно, бидејќи повторените притисоци врз еврото всушност резултираа со краткорочни отскокнувања, вели Андреј Кнез, главен финансиски аналитичар на Bloomberg Adria.

Според него клучните причини за слабеење на еврото во последните денови се очекувањата на пазарот дека целосното исклучување на снабдувањето со руски гас во поголемиот дел од Европа веројатно ќе биде на долг рок. Тоа, како што вели, би имало значително неповолни ефекти врз економската активност но и врз неизвесностите околу протокот на рускиот гас кои би можеле да траат барем до почетокот на август.

Друга причина е дивергенцијата во приносите помеѓу средствата во долари и во евра, со оглед на тоа што Федералните резерви на САД (ФЕД) моментално води нешто порестриктивна политика во споредба со Европската централна банка (ЕЦБ).

Досега еврото се спротивставуваше на притисоците во другите финансиски сегменти - движењето на берзанските индекси, меѓу другото, се толкува како насока за движење на еврото во однос на доларот, додека важно е да се спомене дека Euro Stoxx 50 падна за 20 отсто од почетокот на годината (приспособено за валутни ефекти), додека еевро/долар е „само“ за 12 отсто понизок.

Шансите за интервенција на ЕЦБ?

Кнез вели дека можноста да интервенира ЕЦБ не треба да се исклучи, а тоа би се случило доколку централната банка смета дека слабеењето на еврото создава дополнителен предизвик за постигнување на среднорочната цел за инфлација.

„Ако ништо друго, послабото евро го поскапува увозот, а не може да се смета на економските позитивни ефекти врз извозот со оглед на фундаменталното слабеење на побарувачката од клучните увозници на производи од еврозоната. Последен пат ЕЦБ интервенираше во 2011 година, но со позначителен износ во втората половина на 2000 година, кога откупи 10 милијарди евра. Сепак, таква активност веројатно би обезбедила само краткорочна поддршка за еврото, а само координирана акција со барем една друга клучна централна банка, како што е американската ФЕД, би ја зајакнала перцепцијата на пазарот, вели Кнез.

Andrej Knez

До кое ниво може да падне еврото?

На ова прашање Кнез вели дека основите остануваат неповолни за еврото, особено имајќи го предвид континуираното слабеење на макроекономската перспектива и геополитичките ризици.

„Овие елементи се вградени во лошата перспектива за корпоративната заработка, која е неповолна и за еврото преку каналот на апетитот за ризик, чие слабеење доведува до посилна побарувачка на доларот како безбедно засолниште. Од друга страна, големината на падот на евро/долар од почетокот на годината не е незначителен и најверојатно најголемиот дел од досега препознаените неповолни очекувања веќе се вградени во сегашните нивоа на односот на двете валути. Најмалку, благо закрепнување на еврото би барало ЕЦБ да ги зголеми каматните стапки во комбинација со обелоденувањето на деталите за инструментите за да се избегне фрагментација во движењето и рефинансирањето на обврзниците од еврозоната. На крајот на краиштата, не треба да се занемари дека краткорочното јакнење на доларот му помага на ФЕД во борбата против инфлацијата, но многу брзо во фокусот ќе дојде и динамиката на економската активност, која сепак бара нешто послаб долар. Ако повлечеме линија, не е за очекување дека евро/долар ќе падне значително под паритет, со најниски нивоа до 0,95.

Во моментов нема коментари за веста. Биди прв да коментира...

Остави коментар