Индексот на доларот на рекордно ниво

Индексот кој ја мери силата на доларот порасна на највисоко ниво во историјата, засенувајќи го врвот кој го достигна за време на КОВИД 19 пандемијата.

Растот на доларот годинава е поттикнат од комбинацијата на повисоките каматни стапки на централните банки, вложувањата на инвеститорите во помалку ризичен имот и загриженоста заради рецесијата.

Bloomberg Dollar Spot индексот, кој го следи движењето на доларот во однос на кошничката валути од развиените пазари и пазарите во развој, денеска се зголеми за дури 0,8 отсто. Тоа е над нивото од март 2020 година, што беше претходен максимум во базата која ги бележи податоците од 2005 година.

„По објавувањето на извештајот за потрошувачките цени гледаме ширење и зголемена истрајност  на инфлацијата во САД што доведува до тоа пазарите да ги подигаат прогнозите во однос на очекуваниот пат на американските каматни стапки“, вели Симон Харви, шеф на секторот за анализа на девизниот пазар во компанијата Монекс Европа.

„Тоа додава голем притисок на глобално ниво во поглед на ризиците за различните валути, акции и стапки. Моментално е се под притисок и во вакво опкружување на полето на девизниот пазар е многу тешко да се гледа настрана од доларот“.

Индексот ICE US Dollar, вториот индикатор кој го споредува доларот само со развиените валути и придава поголемо значење на еврото, го надмина врвот од пандемијата претходно годинава и моментално е блиску со најсилното ниво во последните две децении.

Меѓу Г10 валутите ( група од 10 најсилни валути во светот), канадскиот долар и јапонскиот јен најмногу ослабеа во текот на денот.

Во моментов нема коментари за веста. Биди прв да коментира...

Остави коментар