„Посветено работиме за да ја финализираме подготовката на апликацијата за Единствената област за плаќања во евра – СЕПА“, истакна гувернерката на Народната банка, Анита Ангеловска-Бежоска во интервју за регионалната новинска агенција Сињуз (SeeNews).
Како што соопштија од кабинетот на гувернерката, таа посочи дека нашата земја направи голем исчекор кон членството во СЕПА, со усвојувањето на новиот Закон за платежни услуги и платни системи, како и 26 подзаконски акти донесени од централната банка и усогласени со ЕУ регулативата.
„Преку интеграцијата на земјата во СЕПА, граѓаните и фирмите ќе може да вршат безготовински плаќања во евра кон земјите членки на ЕУ, како и голем број земји кои не се ЕУ членки, преку кредитни трансфери и директни задолжувања, на брз, безбеден и ефикасен начин, како и националните плаќања. Со пристапот кон СЕПА, ќе се намалат трошоците за прекуграничните трансакции, што е особено значајно за дознаките кои ги праќаат нашите граѓани од странство“, посочува Ангеловска-Бежоска.
Прочитај повеќе
И пред членството, Македонија може да добие прекугранични инстант плаќања во евра
СЕПА овозможува трансфер на пари во друга држава за десет секунди, без повисоки трошоци.
05.03.2024
Македонија ќе има дигитален денар: Се испитуваат последиците
Над 130 земји ја истражуваат потребата од воведување дигитална валута.
06.02.2024
Дигиталните валути на централните банки стануваат реалност
Над 80 отсто од централните банки како приоритет во истражувањата ги имаат наведено токму иновациите во плаќањата
29.06.2023
Сè повеќе се преферира плаќање со картичка, но кешот и натаму е доминантен
Растот на трансакциите на ПОС-терминалите секоја година расте по дваесет проценти.
26.02.2024
Народна банка ја истражува потребата од воведување дигитален денар
Сѐ поголем е бројот на централни банки кои го истражуваат прашањето за дигиталните валути
14.07.2022
Гувернерката, се додава, истакнува дека развојот на платните системи, зголемувањето на ефикасноста и намалувањето на трошоците за прекуграничните трансакции, се во рамки на приоритетите на Народната банка, бидејќи тие ќе обезбедат повеќе благодати за домаќинствата, компаниите и ќе влијаат на поттикнување на економскиот раст.
„Трансакциските трошоци за увоз и извоз се многу значајни за фирмите, како и за нашата економија во целина, имајќи предвид дека таа е многу отворена. Намалувањето на трошоците за компаниите би помогнало во целокупниот раст на економијата. За да ја постигнеме оваа цел треба да продолжиме со усогласување на нашите регулативи со СЕПА, како и подготовката на самата платежна инфраструктура“, посочува Ангеловска-Бежоска.
Единствената област за плаќања во евра – СЕПА се состои од 36 земји меѓу кои 27 ЕУ држави-членки, три земји од Европската економска област – ЕЕА како и шест земји кои не се членки на ЕЕА, а на кои е проширен географскиот опсег.
На почетокот на годинава шесте земји од Западен Балкан се договорија да ги намалат надоместоците за финансиските трансакции во регионот, усогласувајќи ги регулативите со оние со земјите во СЕПА, се наведува во соопштението.
.webp){kind=icon}
Во моментов нема коментари за веста. Биди прв да коментира...