БНЕФ: Европа е подготвена за зима без рускиот природен гас

Тоа што Европа се снабдува со значајна количина на природен гас значи дека зимава веројатно ќе има доволно енергенси за производство на енергија за да се надомести прекинатата испорака од Русија, пишува БлумбергНЕФ (БНЕФ).

Регионот може да увезе околу 40 проценти повеќе природен гас во текот на следната зима, отколку што беше случај во претходните години, а набавката може да се зголеми дури и за следното лето за околу 14 проценти, со цел да се надоместат загубените залихи, се наведува во извештајот на БНЕФ, објавен утрово. Покрај тоа што ќе се зауздаат цените на енергијата, тие количини се доволни и за целосно да ги покријат прекинатите испораки на руски гас преку гасоводот, пишува во извештајот.

За да ги обезбедат дополнителните количини, европските купувачи ќе треба да купат 90 отсто повеќе гас, отколку што е предвидено во долгорочните договори, што дополнително ќе ја зајакне конкуренцијата на пазарот со Азија. Тоа ќе ги ублажи глобално високите цени на гасот, кои се зголемија откако Европа се обиде да ја намали својата зависност од Русија поради тоа што нејзиниот најголем снабдувач ја нападна Украина на крајот од февруари.

Bloomberg Mercury

„Зголемените промптни цени на гасот би требало да се задржат бидејќи Европа треба да ги одржи своите набавки и да ги надополни своите залихи, што ќе остави помалку количини за Азија“, се наведува во извештајот на БНЕФ. Кинескиот и азискиот пазар веројатно поради тоа ќе забележат и помал увоз, се додава во анализата.

Според главното сценарио на БНЕФ, каде се земаат предвид просечните временски услови од последните 10 години и се исклучува рускиот гас, се проценува дека оваа зима Европа ќе увезе 40 милиони тони гас, а на лето делумно повеќе за да ги надомести залихите. Тоа би оставило количина од 12 милиони тони за Азија, за каде се проценува дека ќе бидат потребни само 8 милиони тони повеќе отколку претходно договореното.

Меѓутоа, ладната зима во северна Азија ќе пренасочи 5,6 милиони тони од Европа, првенствено за да се покријат потребите на Јапонија, а потоплото лето кое ќе следи може да ги зголеми количините на 6,9 милиони тони во следните 12 месеци, пишува во извештајот. Таквото сценарио дополнително може да ја покачи ценовната конкуренција.

Во меѓувреме, голем дел од рускиот гас ќе отиде во Кина, каде се очекува пад на зимската побарувачка за 16 отсто во однос на претходната година. Се предвидува дека побарувачката од Јапонија ќе се намали за 8 проценти во четвртиот квартал годинава во однос на истиот период лани, кога државата ги приклучи термоелектраните на јаглен, додека побарувачката од Јужна Кореја би можела да падне за 10 проценти на годишно ниво поради создадените залихи, покажува извештајот на БНЕФ.

Испораката веројатно незначајно ќе се зголеми зимава, носејќи мало олеснување на пазарот, нведува БНЕФ.

Во моментов нема коментари за веста. Биди прв да коментира...

Остави коментар