Европа ја чека блага зима, складиштата за гас се речиси полни

Европа ја чека благ ноември, што ќе го намали притисокот на складиштата со природен гас и ќе ја ублажи енергетската криза.

Долгорочните прогнози на компаниите „Максар технолоџис“ (Maxar Technologies) и „Марекс“ (Marex) не покажуваат посериозни студени температури за овој месец. Тоа ќе донесе олеснување за домаќинствата, кои се загрижени поради трошоците за греење, но и за владите, кои сакаат да ги зачуваат резервите гас по ограничувањето на испораките од Русија.

„Што се однесува на побарувачката за енергија, топлиот почеток на ноември е добредојден знак, со оглед на моменталната состојба со енергијата во светот. Сепак, не може да се исклучат повремените бранови студена воздушна маса како во ноември, така и во текот на целата зимска сезона“, рече Метју Дрос, метеоролог во „Максар технолоџис“.

Европските цени на гасот значително паднаа од врвот на светското ниво, постигнат во август, но и натаму се за околу 80 проценти над нивото од пред една година. Пазарните скокови ги зголемија трошоците за потрошувачите од индустријата, па многу од нив се подготвуваат за нагло покачување на сметките зимоска.

Bloomberg

 

„Температурите навистина се доста над просекот за овој период од годината, а благото време ќе продолжи во текот на целиот месец“, смета Дрос. Други метеоролози навестуваат можен пад на просечната температура во втората половина од ноември.

Европската есен беше невообичаено топла и тоа помогна за гасот да се задржи во складиштата, кои сега се со исполнет капацитет од околу 95 проценти, додека германските складишта се целосно полни.

Bloomberg

 

Складишта на платформи

Побарувачката за гас, која е помала од очекуваното, како и падот на цените, во комбинација со ограничените капацитети за складирање течен природен гас, веќе доведе до поголема употреба на складиштата на платформи. Трговците низ светот долго чекаа да не ги праќаат своите резерви на платформите, очекувајќи повисоки цени по кои ќе ги продадат резервите подоцна во текот на зимата.

„Бродовите, чија вредност се проценува на околу две милијарди долари, моментално стојат во ред за истовар“, рече Алексадро Фјеро, виш метеоролог и истражувачки аналитичар во „Марекс“ од Лондон. 

Топлиот ноември е далеку од решение за енергетските проблеми во Европа, но одложувањето на почетокот на грејната сезона ќе им овозможи малку простор на надлежните. А, ако регионот биде поштеден од ниски температури оваа зима, како што предвидуваат некои од научниците од службата за климатски промени „Коперникус“, потрошувачите би можеле да земат здив од најлошата криза со трошоци на живот во последните неколку децении.

Во моментов нема коментари за веста. Биди прв да коментира...

Остави коментар