Кремљ утрово реагираше на одлуката на ЕУ, Г7 и Австралија за ограничување на цената на руската нафта на 60 долари за барел. Во соопштението се наведува дека Москва ќе продложи со продажба на руската нафта за која се убедени дека секогаш ќе има купувачи.
„Таквите чекори неизбежно ќе резултираат со зголемена неизвесност и наметнување повисоки трошоци за потрошувачите на суровини. Без оглед на сегашното флертување со опасен и нелегитимен инструмент, ние сме убедени дека руската нафта ќе продолжи да биде барана“, се посочува во соопштението.
Земјите-членки на Г7 и Австралија вчера се договорија од 5 декември да се ограничи цената на руската нафта на 60 долари за барел. Одлуката уследи откако земјите-членки на Европска Унија исто така постигнаа политички договор за ограничување на цената на руската нафта.
Прочитај повеќе
Тивка трка за втор најголем увозник на нафтени деривати во Македонија
Во Македонија лани биле увезени над еден милион тони нафтени деривати
03.12.2022
Србија останува без руска нафта, цената на дизелот ќе биде предизвик
Новите санкции на ЕУ се однесуваат на транспортот на нафта преку Јадранскиот гасовод.
02.12.2022
Неколкуте купувачи на нафта од Путин бараат големи попусти
Русија сè уште продава многу од својата сурова нафта, но намалениот базен на купувачи веќе има значајно влијание
28.11.2022
Целта на ограничуавње на цената, што е идеја на Г7, е да се намалат приходите на Русија од продажбата на нафта, а во исто време да се спречи порастот на глобалните цени по стапувањето во сила на ембаргото на ЕУ на руска нафта на 5 декември.
Ограничувањето ќе им овозможи на земјите надвор од ЕУ да продолжат да увезуваат руска нафта, но ќе им забрани на транспортните и осигурителните компании да тргуваат со руска нафта ширум светот, освен ако не ја продаваaт по цена под ограничувањето.
.webp){kind=icon}
