.webp){kind=icon}
Големите количества руски дизел складирани во бродови сугерираат дека купувачите го избегнуваат санкционираното гориво, бидејќи невообичаено топлото време ја намалува побарувачката.
Дури 1,9 милион барели руско дизел-гориво во моментот е складирано во пловечки складишта, што е најмногу од октомври 2020 година, според податоците на компанијата „Кеплер“ (Kpler Inc.) составени од „Блумберг“. Зголемувањето, три недели по стапувањето во сила на санкциите од Европската Унија, покажува дека некои товари биле натоварени од руските пристаништа без купувачи.
Вишокот товар е како заталкан куршум за светските пазари, кои стравуваа дека горивото за транспорт и греење ќе пресуши поради санкциите. Стравувањата од недостиг ги поттикнаа европските рафинерии да го зголемат производството за да се подготват за она што на крајот излезе зима потопла од вообичаено, додека доставувачите увезуваа огромни количества гориво пред забраната на ЕУ за руски увоз. По еден параметар, резервите на дизелот во центарот Амстердам - Ротердам - Антверпен се искачија на највисоко ниво во последните две години.
Постојаното зголемување на резервите на рускиот дизел, кои непродадени стојат на море, би можело на крајот да ги притисне стапките на рафинирање и производство на сурова нафта, чиј профит сега ја финансира втората година од војната во Украина.
Се разбира, временските услови може да предизвикаат одредени тешкотии при истоварот, што доведува до тоа некои товари привремено да се класифицираат како пловечки складишта. Сепак, се чини дека во моментот тоа не е случај кај северноафриканскиот брег, каде што е задржан дел од рускиот товар.
Минатата недела рекорден број руски товари со дизел пловеа без конечна дестинација.
