Приходите на Русија од извозот на нафта се искачија на околу 20 милијарди долари во мај и покрај намалувањето на количината на испорачана нафта, бидејќи растот на глобалните цени на енергијата буквално ја засили руската државна каса, соопшти денеска Меѓународната агенција за енергија.
Тоа е зголемување од 11 отсто во однос на еден месец претходно, со што вкупниот приход на Русија за испорака на сурова нафта и нафтени производи приближно се врати на нивото пред инвазијата на Украина, иако извозот падна за околу 3 отсто, проценува ИЕА во својот месечен извештај објавен денеска.
Падот на вкупниот обем на извоз главно се должи на пониските текови на нафтени производи, додека руската сурова нафта испорачана во мај порасна за речиси 500.000 барели дневно во споредба со почетокот на годината, главно благодарение на повисоките испораки во Азија.
„Кина и Индија, кои нагло го зголемија купувањето на сурова нафта од Русија се нето извозници на производи и немаат потреба да ги се откажуваат од кои било руски производ“, соопшти ИЕА.
Bloomberg Mercury
Испораките на нафта и гас се единствениот најголем извор на приходи за Кремљ, а откако Русија ја нападна Украина во февруари, западните земји и нивните сојузници воведоа санкции со цел да го запрат протокот на пари кој, како што се вели, практично ја финансира војната.
Додека САД веќе го забранија увозот на руско гориво, Европската унија и Велика Британија се подготвуваат за постепено откажување од московската сурова нафта и нафтени производи кои ги увезуваат по морски пат. Сепак, производителите од Русија можеа да ги заменат своите традиционални клиенти со нови купувачи од Азија.
Азиските трговци сепак и покрај тоа што купуваат, бараат и рекордни попусти од околу 30 отсто во споредба со меѓународните референтни цени на суровата нафта брент. Урал, главната извозна мешавина на Русија, во мај во просек изнесуваше 78,81 долари за барел, што е за речиси 12 отсто повеќе од еден месец претходно.
Сепак, рускиот буџет не можеше да ги искористи сите придобивки од растот на цените поради посилната рубља, покажуваат пресметките на Блумберг. Националната валута се зголеми за речиси 15 отсто во однос на доларот минатиот месец, бидејќи контролата на капиталот ја ограничи побарувачката за странска валута во услови на „поплава“ од извозни приходи.
Како резултат на тоа, буџетските приходи на Русија од нафта и гас во мај паднаа на 871 милијарда рубљи (15,5 милијарди долари), што е нагло намалување од рекордните 1,81 илјади милијарди рубљи во април, покажуваат пресметките врз основа на податоците на руското Министерство за финансии.
.webp){kind=icon}
