.webp){kind=icon}
Германија планира повеќе да се потпира на старите електрани на јаглен за да го задржи „светлото“ во најголемата европска економија откако Русија го прекина дотокот на природен гас.
Министерот за економија Robert Habeck најави пакет дополнителни мерки кои вклучуваат и поттикнување на индустријата да го намали производството. Владата исто така ќе понуди и дополнителни кредитни линии од државниот кредитор KfW за да ги осигура количните гас во складиштата.
Враќањето кон капацитетите кои користат фосилни горива, кои многу загадуваат, значи дека европската климатска борба останува во позадина додека владите обезбедуваат доволни количини енергија за следната зима.
„Сигурноста во снабдувањето во моментов е гарантирана, но ситуацијата е сериозна“, рече Habeck. „Потрошувачката на гас мора дополнително да се намалува, а за возврат мора да се складира повеќе гас, инаку зимата навистина ќе биде тешка“.
Најголемите европски потрошувачи на енергија, како Германија и Италија, од минатата недела добиваат помалку руски гас, што доведе до загриженост дека ќе го снема енергенсот кој го храни нивното индустриско производство и куќните радијатори. Дотокот преку гасовотот Северен тек, клучниот коридор од Русија кон Европа, е намален за 60 отсто, а компаниите, вклучително и Uniper Se изјавија дека добиваат помалку гас од тоа што било договорено со руските снабдувачи.
Европската комисија соопшти дека Русија своите залихи со енергенси ги користи за уценување. Рускиот потег придонесе за зголемување на цените за повеќе од 50 отсто за една недела, поттикнувајќи ја и така високата инфлација која го мачи континентот. Германија од почетокот на војната во Украина се подготвува за прекинот, и ги искористи сите расположливи ресурси за да го пополни евентуалниот јаз во снабдувањето. Земјата е зависна од рускиот гас и го користи за 35 отсто од своите потреби.
„Очигледно е дека стратегијата на Путин е да не вознемири, да ги зголеми цените и да не подели“, рече Habeck. „Нема тоа да го дозволиме“.
Германија ќе ја гарантира ликвидноста на управителот на пазарот на гас Trading Hub за да може да купи повеќе за да ги пополни складиштата. Тоа е потребно за земјата да ја постигне целта – складиштата да бидат 80 отсто полни до 01 октовмри и 90 отсто до 01 ноемрви.
Веднаш откако минатата недела Русија го прекина дотокот преку Северен тек 1, купувачите на гас од ЕУ почнаа да го користат енергенсот од складиштата за да го надоместат кусокот.
Министер од Партијата на зелените рече дека Германија повеќе ќе се потпира на електраните на јаглен за производство на електрична енергија. Предлог-законот кон дава правна основа за ова поминува низ парламентот и би требало да стапи на сила по расправата во горниот дом закажана за 8 јули.
Користењето повеќе јаглен за производство на струја е „горко, но во оваа ситуација едноставно е потребно да се намали потрошувачката на гас“ вели тој. „Мораме да сториме се што можеме за да зачуваме што повеќе гас преку летото и есента“.
Siegfried Russwurm, претседател на германската индустриска лоби група, BDI, вели дека земјата треба сега да прекине со производтсво на струја на гас и веднаш да се врати на јаглен. Увозот на струја од соседните земји, според него, е многу ограничен.
Индустријата исто така ќе мора да штеди. Моделот на аукции ќе почне ова лето за потрошувачите да се поттикнат да штедат гориво, кое потоа ќе оди во складиштата, вели Habeck, додавајќи дека владата е подготвена да преземе понатамошни мерки, ако е потребно. Државниот кризен план има три фази, а во моментов се наоѓа во првата. Во највисоката фаза, државата би ја презела германската дистрибуција на гас.
„Германија ова лето ќе се соочи со голем недостиг на гас, кој ќе се зголеми преку зимата“ рече Christoph Merkel, главниот директор на консултантската куќа Merkel Energy. „Мерките се во ред. Но, малку се расправаше за вонредна состојба, иако е веројатно дека наскоро ќе стапи на сила".
