Цената на нафтата се стабилизира додека инвеститорите ја оценуваат сложената перспектива за глобалната побарувачка на сурова нафта по периодот на нестабилно тргување.
ВТИ (West Texas Intermediate) се одржува над 71 долар за барел, откако во петокот порасна за повеќе од четири отсто, кога фјучерсите ја намалија острата неделна загуба. Иако неодамнешните стравови од рецесија во САД и банкарски колапси ги потресоа пазарите, туркајќи ја суровата нафта на најниско ниво од крајот на 2021 година, показателите за побарувачката сугерираат дека барем дел од неодамнешната слабост на цените можеби бил пренагласен.
Bloomberg Chartmaker
Инвеститорите неделава ќе добијат два извештаја за тоа како би можела да се одвива втората половина од годината. Организацијата на земјите извознички на нафта (ОПЕК) в четврток ќе го објави својот месечен преглед, а пред тоа американската управа за енергетски информации (ЕИА) во вторник ќе ја објави својата краткорочна прогноза. Свој финансиски извештај ќе објави и најголемиот светски производител на нафта, „Сауди Арамко“.
Цената на суровата нафта годинава падна за околу 11 отсто поради една од најагресивните кампањи на Федералните резерви (ФЕД) за затегнување на монетарната политика, што ја зголеми загриженоста за забавување или рецесија во САД, иако повеќето инвеститори сега очекуваат претставниците на ФЕД да го запрат зголемувањето на стапките.
Падот дојде и покрај изненадувачките намалувања на производството од страна на ОПЕК и неговите сојузници, вклучувајќи ја и Русија. Сепак, има малку докази дека Москва досега ја намалила својата понуда и покрај ветувањето дека ќе го стори тоа.
„Неодамнешната слабост на цените на нафтата може ги одразува претераните емоции од реалниот економски пад, особено со оглед на финансиските врски“, вели Вишну Варатан, главен економист и стратег за Азија во „Мизухо“ (Mizuho Bank Ltd). Сега постојат ризици од дополнителен „одговор на ОПЕК во поглед на понудата или барем закана од групата во обид да ги запре или зајакне цените“, додава тој.
Цени:
ВТИ за испорака во јуни се зголеми за 0,6 отсто, на 71,74 долари за барел, во 1.29 часот во Сингапур.
Брент за испорака во јули поскапе за 0,5 отсто, на 75,70 долари за барел.
„Голдман Сакс“ (Goldman Sachs Group Inc.) причината за падот на цената на нафтата ја бара „во голема мера во макрофинансискиот пад“ во изминатите три недели, според белешката на аналитичарите, вклучувајќи го и Дан Струјвен. Банката очекува глобалниот пазар да премине во „големи дефицити“ во втората половина од годината, што го поддржува нејзиното тврдење за повисоки цени.
.webp){kind=icon}
