Два пловечки терминали за течен гас се поставуваат во холандското пристаниште, први од бранот специјализирани танкери на кои смета Европа за да ја ублажи најтешката енергетска криза во послендите неколку децении.
Golar Igloo и LNG Eemshaven моментално се поврзани во северното морско пристаниште Eemshaven. Двете се пловечки единици за складирање и претворање во гас, дизајнирани се за да можат супер разладеното гориво кое се превезува на бродовите да го претвораат во гас кој може да се пупма во мрежата на копно.
Пристигнувањето на бродовите пред зимата ќе биде важно за да и помогне на Европа за надминување на кризата со горивата откако Русија ги пркеина испораките на гас заради санкциите наметнати врз неа по инвазијата во Украина.
Растечките цени на енергенсите ги туркаат земјите на работ на рецесија, присилувајќи ги владите брзо да се префрлат на користење на пловечките терминали за гас на кои им е потребно време да го преработат гасот.
Се зголемува популарноста на бродовите. Германија која половина од гасот го добива низ гасоводот од Русија, сега преку владата изнајмува пет терминали, а уште два ќе изнајми од приватници. Италија, Франција и балтичките земји исто така планираат да користат пловечки терминали за течен гас.
Во Eemshaven, длабокото пристаниште на североисточниот врв на Холандија, денеска ќе биде испорачан товар со ЛНГ за пуштање во употреба, а целта е обкејтот да се подготви за првата комерцијална пратка кон средината на месецов. Двата терминали се изнајмени на пет години и заедно се викаат EemsEnergyTerminal, и се очекува дека до 31 декември ќе примат, истоварат и испорачаат околу 18 товари со течен гас.
Bloomberg
Терминалите обично се трајно се вкотвени блиску до брегот. Пристигнатиот превозник потоа го пренесува ЛНГ на единицата, таа го складира и го претвора во гас. Бродовите обично се побрзи, поевтини и еколошки поприфатливи за развој во споредба со копнените решенија, иако нивниот капацитет е многу помал.
Бројот на вакви терминали допрва ќе расте, а ако владите успеат да ја намалат бирократијата за да го забрзат процесот на нивно поставување, тогаш перидот 2026 – 2027 ќе биде многу посветол и без рускиот гас.
.webp){kind=icon}