„Денеска имаме многу, многу добри вести“, вака синоќа го започна своето обраќање американскиот претседател Доналд Трамп. „Ова е Денот на ослободувањето“, порача тој пред присутните, дочекан со аплауз. Но неговите добри вести предизвикаа главоболка за голем дел од светот. Царините што САД ги воведе за Македонија изнесуваат 33 проценти, додека за Европската Унија 20 отсто. Освен тоа, останува наредбата за царини во висина од 25 проценти за сите увезени автомобили во САД.
Македонскиот извоз кон САД во 2024 година се зголемил за 220 отсто споредено со 2023 година и неговата вкупна вредност надминува 118 милиони евра, што е незначително во однос на вкупниот извоз на земјава.
Тарифите на Трамп го оживуваат замреното тргување со валути
Повеќе компании за тргување со финансиски инструменти се потпираат на нестабилноста за да генерираат брзи профити од ненадејните промени на девизните курсеви. Сепак, драматичните осцилации генерално повеќе не се случуваат бидејќи по глобалната финансиска криза во 2008 година, најголемите централни банки почнаа да ги намалуваат и да ги зголемуваат каматните стапки повеќе или помалку заедно.
Тоа се промени откако Доналд Трамп беше реизбран за претседател на САД, ветувајќи дека ќе ја разниша глобалната трговија. Канадскиот долар и евро почнаа да флуктуираат како што се зголемија трговските закани, губејќи ја вредноста кога тарифите се чинеше дека се неизбежни и закрепнувајќи кога Трамп најави одложување.
ББА-коментар: Како ќе вози „Ферари“ по ударот од САД
Една од опциите за „Ферари“ е да ги забрза испораките во САД пред да стапат во сила официјалните тарифи или да ги одложи по планираното воведување на тарифите (особено за ограничениот број суперавтомобили од повеќе милиони долари – „дејтона СП3“ со просечна продажна цена во 2024 година од 1,6 милион евра и „монца СП11“). Она што најмногу би ја задоволило компанијата е да ги пренасочи испораките во други региони и на тој начин да ги заштити нејзините резултати од пад.
Што значат новите увозни царини во САД за луксузните автомобили, а што за купувачите
Американската влада планира да воведе царина од 25 отсто за увоз на возила од ЕУ, додека сегашната тарифа за патнички возила е само 2,5 отсто. Тоа може драматично да влијае на европските производители на луксузни автомобили, кои во голема мера се зависни од американскиот пазар, како и на самите купувачи, како во САД така и во Европа. Анализираме како оваа промена ќе влијае на компаниите за луксузни автомобили и на нас, клиентите.
ЕУ казни дел од автомобилските гиганти со 458 милиони евра за картелско здружување
„Фолксваген“ (Volkswagen AG), „Рено“ (Renault SA) и „Стелантис“ (Stellantis NV) се меѓу најтешко погодените компании во пакетот казни од 458 милиони евра (495 милиони американски долари) изречени од Европската Унија против производителите на автомобили за учество во нелегален картел за рециклирање возила што се за на отпад.
Истрагата на ЕУ откри дека 16 големи производители на автомобили, како и Европската асоцијација на производители на автомобили, пред повеќе од 15 години склучиле договори против пазарната конкуренција. И покрај учеството во картелот, „Мерцедес Бенц“ (Mercedes-Benz Group AG) ги избегна казните затоа што го пријави заговорот.
Маск наводно си оди од Белата куќа, акциите на „Тесла“ нагоре
Инвеститорите на „Тесла“ (Tesla Inc.) заборавија за момент на најлошата продажба на возила на компанијата од 2022 година и ги подигнаа нејзините акции со надеж дека Илон Маск ќе се повлече од својата работа во администрацијата на Трамп.
„Политико“ во средата сугерираше дека времето на милијардерот како главен советник на Доналд Трамп може наскоро да заврши. Претседателот неодамна му кажал наводно на својот најтесен круг на соработници дека главниот извршен директор на „Тесла“ ќе се врати на своите бизниси во наредните недели, според медиумот, кој цитира неидентификувани луѓе од опкружувањето на Трамп.
.webp){kind=icon}
