Според истражување на „Морган Стенли“ (Morgan Stanley), рекордниот број на млади луѓе кои живеат со своите родители помага да се поттикне бумот на луксузни стоки во САД и Велика Британија.
Неодамнешните податоци од американскиот попис покажуваат дека речиси половина од сите млади на возраст од 18 до 29 години живеат со своите родители - највисоко ниво од 1940 година.
Аналитичарите предводени од Едуард Обин од „Морган Стенли“ велат дека ваквиот тренд е од корист за личните трошоци и е делумно одговорен за порастот на популарноста на луксузните чанти, часовници и накит.
„Кога оваа категорија на млади имаат послободен буџет и не се оптоварени со трошоци за кирија и намирници, тие едноставно имаат повеќе расположливи средства што ги насочуваат кон лични трошоци“, се вели во извештајот на „Морган Стенли“.
Младите живеат со родителите подолго на ниво што не е забележано од 1940 година / Bloomberg
САД ја престигнаа Кина минатата година како главна дестинација за луксузни швајцарски часовници, бидејќи Американците повторно ја открија страста кон механички часовници. Американскиот пазар, исто така, доведе до поголема продажба за луксузните бренодви, вклучувајќи го сопственикот на „Карите“ (Cartier), „Ричмонт“ (Richemont), како и сопственикот на „Тифани“ (Tiffany) и „Булгари“ (Bulgari), „Луј Витон Моет Хенеси“ (LVMH).
Сè повеќе млади луѓе живеат дома за да заштедат пари бидејќи се зголемуваат трошоците за изнајмување и се запишуваат на програми за високо образование, па го одложуваат стапувањето во брак, останувајќи со своите родители подолго време.
„Го гледаме тоа како позитивен тренд за индустријата“, напишаа аналитичарите на „Морган Стенли“ во извештајот.
„Морган Стенли“ гледа сличен тренд и во Британија каде уделот на лицата од 15 до 34 години кои живеат со своите родители се искачи на 42 отсто од околу 35 отсто во 1999 година.
„Ричмонт“, кој покрај „Карите“, ги поседува и брендовите на часовници „Вашерон Константин“ (Vacheron Constantin) и ИВЦ (IWC), објави раст на продажбата од 22 отсто во Америка во првата половина од годината. Дури и повисокиот раст во Европа е поттикнат, делумно, од американските туристи кои го искористија силниот долар во однос на еврото и британската фунта.
.webp){kind=icon}
Во моментов нема коментари за веста. Биди прв да коментира...