Претседателот на „Валентино“, Рашид Мохамед Рашид, предвидува крај на ерата на таканаречениот „тивок луксуз“ во модната индустрија и прогнозира дека богатите потрошувачи повторно ќе сакаат смели дизајни. Рашид рече дека тоа ќе биде „ново поглавје“ за „Валентино“, откако италијанската модна куќа минатиот месец го ангажира Алесандро Микеле за креативен директор.
Микеле, поранешниот креативен директор на „Гучи“, е познат по своите раскошни и боемски креации, што е знак дека „Валентино“ можеби се оддалечува од минималистичките и монохроматски стилови на неговиот претходник Пјерпаоло Пичоли, кој повеќе се поврзува со трендот на „тивок луксуз“, кој пак стана особено популарен по пандемијата.
„Знаеме дека во последните неколку години преовладува тивкиот луксуз“, изјави Рашид во интервју за ТВ „Блумберг“. „По мое мислење, како и многу други во модата: со ова е готово“.
Прочитај повеќе
Дали „Валентино“ ќе стане „Гучи“ број 2?
Алесандро Микеле, поранешен шеф на „Гучи“, е новиот креативен директор на „Валентино“.
02.04.2024
Врската меѓу „Епл“ и модната индустрија почна пред нивната средба
Како луксузните брендови ја користат технологијата на „епл вижн про“ за да привлечат клиенти?
31.03.2024
Прво шоу на Сабато де Сарно: „Гучи“ повторно им е љубов на луксузните купувачи?
Аналитичарите очекуваат дека Де Сарно ќе го освежи брендот и ќе му даде појасен идентитет.
02.10.2023
„Гучи“ очекува розова иднина со „Валентино“
„Керинг“ ја намалува својата зависност од „Гучи“ со купување на 30 отсто од акциите на култната италијанска марка за висока мода.
03.08.2023
Шефот на „Гучи“ ја напушта компанијата поради слабите резултати
Марко Бицари, долгогодишниот извршен директор на „Гучи“, ќе ја напушти својата позиција во италијанската модна куќа.
20.07.2023
Сопственикот на „Гучи“ се шири во сегментот за луксузни парфеми
„Керинг“, сопственикот на брендот „Гучи“, одлучи да го купи производителот на парфеми „Крид“.
29.06.2023
Тој рече дека бојата и смелиот дизајн „ќе се вратат со целата своја сила, а ние се подготвуваме за тоа“.
Колекциите на Пичоли привлекоа внимание со својата елеганција и фокус на монохроматски парчиња. Пред две години брендот претстави есенска и зимска колекција во која сите парчиња беа во светлорозова нијанса. На својата последна ревија во Париз минатиот месец, Пичоли претстави повеќе од 60 комбинации со модели во целосно црни парчиња, со варијации помеѓу везени и проѕирни фустани од тантела.
„Валентино“ го изненади светот на модата кога го регрутира Микеле. Под негово водство, продажбата на „Гучи“ се зголеми речиси тројно помеѓу 2015 и 2019 година, бидејќи неговите дизајни ги привлекуваа помладите генерации и компанијата соработуваше со други брендови, како што е „Адидас“ (Adidas AG).
Но, поради пандемијата, продажбата на „Гучи“ не можеше да биде во чекор со најголемите конкуренти како „Луј Витон“, а матичната компанија „Керинг“ (Kering SA) се раздели со дизајнерот на крајот на 2022 година.
„Валентино“ е под контрола на „Мејхола“ од Катар, но минатата година му продаде 30 отсто од акциите на „Керинг“.
Рашид рече дека условите за луксузните производи остануваат тешки. „Годинава започна со очекување дека пазарот на луксузот ќе порасне меѓу 2 и 4 отсто“, рече тој. „Моето лично чувство е дека ќе биде многу помалку од тоа - пазарот веројатно ќе стагнира. Реалноста е дека и Европа и САД се во стагнација, а и Кина е сè уште слаба“.
Сепак, тој рече дека има знаци дека закрепнувањето на Кина може да започне во втората половина од годината.
.webp){kind=icon}
Во моментов нема коментари за веста. Биди прв да коментира...