.webp){kind=icon}
Најдоброто место за уживање во пијалок во светот во моментов е Барселона. Поточно, станува збор за ексклузивен коктел бар наречен „Сипс“ (Sips), простор во пастелни тонови, кој се издвојува по внимателно приготвените коктели.
До овој заклучок дојдоа гласачите на листата „50 најдобри барови во светот“, кои го прогласија „Сипс“ за најдобар во 2023 година, со што заменија друг бар од Барселона, „Парадизо“ (Paradiso), кој претходно ја држеше водечката позиција.
Позиционирањето на листата „50 најдобри барови во светот“ се покажа како моќна маркетинг алатка за локалите. Резултатите за рестораните можат да бидат извонредни: кога шпанскиот ресторан „Eл селар де кан рока“ (El Celler de Can Roca) беше прогласен за најдобар на листата на „50 најдобри ресторани во светот“ во 2013 година, тие пријавија дека добиле два милиона барања за резервации.
Појавувањето на листата на најдобри барови е подеднакво привлечно. „Дабл чикен плис“ (Double Chicken Please), кој минатата година беше рангиран на шестото место на меѓународната листа и на првото место на листата на најдобри барови во САД, сега има редици пред вратата. „Тоа е добро за бизнисот“, вели Вилијам Дру, директор за содржина во „50 бест“ (50 Best). „Секако, го зголемува вниманието“.
„Сипс“ служи коктели како „квинс“, пијалок што порачува дека „мембријо ис д њу блек“ (Membrillo is the new black) во комбинација со слатката паста од дуња. Овој пијалок е направен од џин „Tanqueray No. Ten“, вермут, паста од дуња и некои други состојки.
Овогодинешната церемонија се одржа во вторник во Сингапур, во просторот „Пасир Панјанг пауер стејшн“ во склоп на пристаниште. Ова беше првпат во 15-годишната историја на листата за најдобри барови во светот, наградите да бидат доделени во Азија. (Последниве 13 години церемонијата се одржуваше во Лондон, што не е случајно, бидејќи лондонските барови често доминираат на рангирањето. Минатата година церемонијата беше во Барселона.) „За нас највозбудливо е што за првпат го организираме настанот надвор од Европа, овде во Сингапур, во Азија, што е голем чекор“, вели Вилијам Дру.
Во коктелите сè повеќе се вклучуваат состојки кои се користат во храната
Depositphotos
Минатогодишниот број еден бар „Парадизо“, бар со театарски концепт, скриен зад бела врата на фрижидер на продавница за пастрма во Барселона, сега е на четвртото место. „Ова е неверојатно признание за целата индустрија“, изјави сопственикот Џакомо Џаноти. „Носи неверојатен публицитет за барот“.
Прогласувањето означи успешна ноќ и за Њујорк: популарниот „Дабл чикен плис“ е рангиран на второто место. Овој бар со двоен концепт содржи готови коктели во предниот дел и коктели фокусирани на храна во малку поамбициозниот заден дел на барот - како „студена пица“, направен со текила бланко, пармезан, тост, домат, мед и шлаг.
Познатиот миксолог Рајан Четијавардана, чиј лондонски бар „Данделијан“ (Dandelyan) беше број еден во 2018 година, вели дека наградите како „50 најдобри“ се важни како признание, иако нужно не мора да влијаат на деловниот резултат. „Секоја награда може да придонесе за публицитет на еднен локал“, вели тој. „Сепак, апсолутно тоаа не е крајот на сè“. Уште повеќе, вели тој, тоа не мора да значи и поголем профит за барот. „Во секој еден од баровите со сите награди што ги освоивме, ништо не се промени во однос на нашиот бизнис поради признанијата“.
Пред да ги објави годинешните резултати, минатата недела организацијата „50 бест“ ја објави светската листата на барови од број 51 до 100. Некои од местата на таа листата го вклучуваат првиот локал од Албанија, „Новел ваг“ / Nouvelle Vague (бр. 86), Тулум, Мексико, исто така, го има своето прво рангирање на листата со „Арка“ / Arca (бр. 60). Веста не беше толку добра за неколку места во САД: „Eтабој“ (Attaboy), популарен таен бар во Њујорк, падна од 22. на 57. место. „Кумико“ (Kumiko) во Чикаго падна за повеќе од 50 места на 82. место од 25.
Групацијата исто така доделува и регионални награди. „Јахт клаб“ (The Yacht Club) во Денвер, Колорадо на почетокот на годината освои награда за најодржлив бар во Северна Америка. Овој објект ги претвора лушпите и остатоците од овошјето во основа за сирупи и пијалоци и избегнува користење контејнери за еднократна употреба. Неговата извонредна и неконвенционална листа на коктели го вклучува и легендарниот „ХВР вотер“ (H.V.R. Water), во знак на почит кон преливот „хиден вали“ (Hidden Valley); листата на состојки за овој проѕирен пијалок вклучува сребрена текила со лимон и црн пипер.
„Помалите пазари често се занемаруваат“, вели Мери Алисон Рајт, косопственичка на „Јахт клаб“, за градовите што гласачите од „50 бест“ често не ги посетуваат. „Денвер е неверојатен град, но сè уште е недоволно застапен во смисла на национална или (особено) меѓународна платформа, па затоа е неверојатна привилегија да можеме да го претставуваме нашиот дом и да го промовираме американскиот запад“.
Наградата „Арт оф хоспиталити“ (Micheter's Art of Hospitality) ја доби „Трес монос“ (Tres Monos) во Буенос Аирес, кој нуди пијалоци по пристапни цени во опуштено опкружување.
Листата е созтавена од организацијата „50 најдобри во светот“, која исто така ја прави листата „50 најдобри ресторани во светот“, а годинава ја промовира и листата „50 најдобри хотели“. Ранг лисите се во сопственост на британската компанија „Вилијам Рид бизнис медија“ (William Reed Business Media). Гласаа 680 експерти за пијалоци од целиот свет, вклучувајќи писатели, шанкери и сопственици на барови.
Ова се најдобрите 50 барови во светот (* е ознака за нов бар на листата):
1. Sips, Barcelona (3)
2. Double Chicken Please, New York (6)
3. Handshake Speakeasy, Mexico City (11)
4. Paradiso, Barcelona (1)
5. Connaught Bar, London (8)
6. Little Red Door, Paris (5)
7. Licorería Limantour, Mexico City (4)
8. Tayēr + Elementary, London (2)
9. Alquimico, Cartagena (10)
10. Himkok, Oslo (43)
11. Tres Monos, Buenos Aires (27)
12. Line, Athens (31)
13. BKK Social Club, Bangkok (14)
14. Jigger & Pony, Singapore (12)
15. Maybe Sammy, Sydney (29)
16. Salmon Guru, Madrid (15)
17. Overstory, New York (34)
18. Zest, Seoul (*)
19. Mahaniyom Cocktail Bar, Bangkok (*)
20. Coa, Hong Kong (17)
21. Drink Kong, Rome (16)
22. Hanky Panky, Mexico City (13)
23. Caretakers Cottage, Melbourne (60)
24. Cafe la Trova, Miami (21)
25. Baba au Rhum, Athens (20)
26. Cochinchina, Buenos Aires (42)
27. Katana Kitten, New York (9)
28. Satan’s Whiskers, London (23)
29. Wax On, Berlin (*)
30. Florería Atlántico, Buenos Aires (18)
31. Roda Huset, Stockholm (78)
32. Sago House, Singapore (*)
33. Freni e Frizioni, Rome (*)
34. Argo, Hong Kong (28)
35. A Bar with Shapes for a Name, London (37)
36. SG Club, Tokyo (63)
37. Bar Benfiddich, Tokyo (48)
38. The Cambridge Public House, Paris (*)
39. Panda & Sons, Edinburgh (*)
40. Mimi Kakushi, Dubai (*)
41. Scarfes Bar, London (*)
42. 1930, Milan (35)
43. Carnaval, Lima (44)
44. L’Antiquario, Naples (46)
45. Baltra Bar, Mexico City (32)
46. Locale Firenze, Florence (39)
47. The Clumsies, Athens (19)
48. Atlas, Singapore (67)
49. Jewel of the South, New Orleans (*)
50. Galaxy Bar, Dubai (45)
